2016-11-17

Багадаа..

Би бага байхдаа хүний үгэнд яс ордог хүүхэд байлаа шүү дээ. Сургуульд орохын өмнө 5 орчим настайд л байх нэг өдөр хамаатны эгч дөнгөж суудаг болсон охинтойгоо манайд ирээд, дүүгээ харж байгаарай гээд миний урд газар суулгачихаад нөгөө өрөөрүү явсан юм. Бодвол ээжтэй бурахаар л явсан байхдаа. Гэнэт охин нь уйлахаар нь өрөөнд ороод ирсэн чинь охин нь суудал дээрээ онхолдчихсон, би өөдөөс нь хараад сууж байсан гэсэн хаха. Хүүеэ дүүгээ харж байхгүй яасан юм бэ гэсэн чинь би өөдөөс нь би хараад сууж байсан наадах чинь өөрөө уначихсан шд гэсэн гэнэ лээ. Одоо болтол ээж намайг шоолоостой хэхэ.
Бас тэр үед л байх ээжтэй цуг Хөвсгөл явав аа. Миний л орон гаран төсөөлж байгаагаар бүхээгтэй ЗИЛ130 тай явсан санагддаг юм, бас зам муу их олон хоног зутруу явсан санагдаад байдаг юм, үгүй ч байж магад. Бүхээгэнд сууж явсан нэг хүн буулаа гээд намайг багаар нь нэг хүний өвөр дээр суулгахаар болоод ороод суусан чинь хаалганд нь хуруугаа хавччихсан хөөрхий, гүргэр юм болохоороо уйлахгүй тас гүрийгээд, ядаж том эгчийн авч өгсөн бөгжтэй хуруу байсан болохоор бөгжнийхөө урдуур хавдаад чинэрч өвдөөд байсан нь санагддаг юм. Ээж тэр үед намайг урагш нь суулгаад хаалга хаагдах чимээ нэг л эвгүй сонсогдоод "за энэ яг гараа хавччихлаа даа" гээд бодогдоод чимээ чагнасан чинь таг байсан гэсэн. Дараагийн зогсох газар болтол санаа нь зовоод, зогсонгуут гялс ирээд харсан чинь яасан байх нь нөгөөх хуруугаа хавчаад памбайтал хавдсан хэрнээ гүрийгээд уйлаагүй байх нь.. Нөгөө бөгжөө тайруулж хуруугаа аварсан нь хагас хугас санагддагаас өөр юм санаанд байхгүй ээ. Одоо болтол ээж бас тэнэг гүрийдгээр нь дууддаг юм. Яс юман дээрээ өөрөөс нь өвлөж авсан гүрийлт шүү дээ хэхэ.

2016-11-10

Шалдар булдар

Хөдөөгийн байдал шалдар булдар, цагийн улирал ороо бусгаа... иймэрхүү л байна даа. Хавар бололгүй зун болоод, намар бололгүй өвөл болчих юмаа. Би нэг хавар намрын хувцасаа өмсөх гэсээр байтал өвлийн хувцасандаа хүмүүс ороод байх юм. Бичин жилийн өвөл зуд болдог гээд байсан.
Ойрын гурван долоо хоног шахуу зүүн нүдний зовхи татаад болдоггүй ээ. Гайхаад өчигдөр сонингийн наасан чинь дээд тал нь таталдаад байдаг гэнээ хэхэ заавал нэг нь таталдах ёстой юм байлгүй гээд сууж байна. Нээрээ нөгөө харшилын гаралтай хамар битүүрдэгтээ эмчийн бичиггүй эмийн санд зарагддаг эм аваад уусан чинь надад таардаггүй юм байна. Тэрийг нь хоёрдох хайрцаг эмээ уугаад дуусах үедээ шахуу мэдлээ шдээ. Ойрд гэнэт гэнэт л хоолойнд юм тээгэлдээд байхаар нь гайхаад алим хэт томоор нь залгичихав уу гэж оношлоод байсан чинь эмний гаж нөлөө юм байх.
Манай энд өчигдөр аятайхан цэлмэг тэнгэртэй байсан чинь өнөөдөр хэрэг алга, бүрсийж бүүдийгээд дээр нь тоосонцор гээд хойд уулын бараа ч харагдахгүй нь.. гэж бичээд харсан бороо орж байна. Энд нийтийн халаалт байхгүй манай лаб тень асаадаг болохоор даараад байгаа хэрнээ нүүр халуу дүүгээд л сууж байна.
Нээрээ өчигдөрөөс нүүрний кремээ сольсон. Өмнө нь 21н номер түрхдэг байсан юм. Тэр нь надад шардаад, миний түрхдэг байсан 21, 23 номер л байдаг болохоор шар юмаа гээд л түрхээд байлаа л даа. Эд нар өөрсдөө ихэвчлэн шаргал арьстай болохоор тэрэндээ тааруулдаг юм шиг санагдсан. Гэхдээ сүүлийн үед 13 нь нүүрний улайлт дардаг 17 нь ягаан туяатай болгож арьсыг эрүүл харагдуулдаг гээд гарсан байна лээ. Их дэлгүүрт очиж түрхэж үзсэн чинь нэг их ялгаа харагдаагүй. Бодож бодож 17г авсан. Шарлахгүй их аятайхан байна лээ. Даанч өвөл дөхөөд хуурайшилт эхэлж байна өө, шилбэ цагаан эрээн л болчихсон байна лээ гэртээ ч өмдтэй гадаа ч өмдтэй байгаа болохоор хэхэ.

За ёстой шалдар булдар юм боллоо, явж ажлаа хийж амьдарлаа бодох минь.

2016-11-02

Уран бүтээл

Бараг арав гаран жилийн дараагаар нэг гоё ноосон утас хараар ороолт нэхэх санаа төрөв. Багадаа ээжийг дуурайгаад нийлж байгаад нэг майк нэхэж байлаа, ээж манжетыг нь хэт чанга нэхсэнээс болоод толгой арай гэж ордог байсан санагдаж байна. Тэрнээс хойш бээлий оймсхон нэхэж байснаас өөрөөр нэхээгүй юм. Тэгсэн гэнэт учиргүй угладаг ороолт нэхмээр санагдаад, бүр санаанд багтаад байхаар нь нэтээр 100 гр-тай хоёр утас захиалаад дэлгүүрээс нэг 5 мм-ийн сатуркатай зүү авсан. анх уртхан нэхээд залгачих санаатай байсан ч сүүлдээ залгаасгүйгээр нэхмээр санагдаад, залгаасгүйг сатуркатай зүүгээр биш 5н зүүгээр нэхэж үзсэн болохоор бас бага зэрэг эргэлзсээн хөөрхий. Юу ч гэсэн үзье гээд сатуркатай зүүгээр нэхсэн чинь дажгүй болж байна лээ. Анх 120-оор авахад хангалттай гэж бодоод нэхээд нилээн хэдэн мөр явж байсан чинь бодож байснаас хэт том болохоор нь хөвөөд 100-гаар аваад нэхсэн бас томдоод хөвөөд 88-аар авсан хэхэ. 120-оор эхэлж байхдаа хөндлөнгөөр нь зөв буруугаар явчихвал доошоо суугаад гоё харагдах байх гэж бодсон хэт суугаад байхаар нь дөрвөлжин хээтэй болгосн чинь хамаагүй аятайхан болсон. Би ер нь их чанга гартай болохоор их хичээж сул нэхсэн, дараа нь ээж хараад яасан чанга нэхсэн юм бэ гэдэг гэнээ ккк. Сүүлд дуусгасан чинь яг хоёр гогцоо үлдээд утас дуусдаг юм даа. Сүүлийн эгнээгээ хөвөөд арай жоохон чангалсан чинь хэт чангараад сөөм хэрийн утас үлдсэн хэхэ. Сүүлийн хэт чангарсан санаанд таарахгүй байсан чинь МЗ харин ч гоё юм байна салхи орохгүй, надад бол таалагдаж байна хэнд өгөх юм гээд баясаад байхаар нь өгчихсөөн, угаасаа ч өөрт нь нэхсэн л дээ. Янзан бүрийн зүүж барьдаг юманд дургүй хүн зүүх юмуу яах юм бүү мэд.

За тэгээд уран бүтээл ийм болсоон хэхэ

2016-10-21

Үйл нь ирээд үхэхийн цагт Хөгшин залуугын ялгаа юун

Есөн нартай энэ ер бусын нутагт
Дөрвөн улирал үгүй дүн өвлөөр байдаг
Тэнгэр нь нэг л үүлтэй
Тэр нь сүүдэр болдог
Тэвэр тэврээр унасан цасан мөсөн уулууд
Уулын хар манан нуурын дундаас ургаж
Урагшаа ургасан модод ширхэг мөчир үгүй
Жим жимээр урсах жирийн бус голууд
Жигүүр дэлгэн суусан уулын цагаан бүргэд
Өвс үгүй хэрнээ өндөр цэцэгс ихтэй
Өргөн тал нутаг нь хэмжээ хязгаар үгүй
Үүлгүй тэнгэрээс бороо ширхэг ширхэгээр дуслаж
Өндөр нам чулууд өнгө өнгөөр ургана
Нар нь жаргадаггүй ус нь ширгэдэггүй
Нарийн хавцал дунд нь найман саран нуугдана
Насан дээр гарсан намхан буурал савдаг
Наран жаргахыг үзэлгүй найман зууныг үзэв
Үүл нь гараад бороо орохын
Үүдэн хойморын ялгаа юун
Үйл нь ирээд үхэхийн цагт
Хөгшин залуугын ялгаа юун
Өргөө салхин гэр нь оосор бүч үгүй
Өвгөн савдаг тэндээ уйдаж суух нь үгүй
Өвлөж түүнд ирсэн өөвөн гурван өндөгөө
Өглөө үдэш асрана өөрийн чадлаар хайрлана
Алтан шаргал өндөг нь жаргал гэдэг нэртэй
Алсын өндөр ууланд амин сүнс нь байдаг
Асарч тойлхын хирээр инээд баясал ихтэй
Амар жимэр суухын арвин их нууцтай
Мөнгөн цагаан өндөг нь зовлон гэдэг нэртэй
Мөрөг цагаан загасанд мөнхийн амь нь байдаг
Намхан буурал савдагийн нуруу бөхийх тоолонд
Нулимс үгүй уйлна нуурын хаалга онгойно
Эцсийн чулуун өндөгийн нэр нь ч үл мэднэ
Инээж уйлах нь үгүй эгэл тайван байдлыг
Эцэж цуцахыг мэдэлгүй эвшээж суниах завгүй
Энэ маягаар савдаг ирэх хаврыг угтав
Үүл нь гараад бороо орохын
Үүдэн хойморын ялгаа юун
Үйл нь ирээд үхэхийн цагт
Хөгшин залуугын ялгаа юун
Хар морин жилийн хаврын тэргүүн сард нь
Хачин сонин бодол савдагийн толгойд оров
Хүрэл чулуун өндөг нь хөндий хоосон ч юм шиг
Хөөрхий өвдөг савдагт хэрэг үгүй юм шиг
Ингэж бодоод савдаг өндөгийг аваад гарав
Элгэн хадан дээрээс өргөж байгаад шидэв
Ингээд боллоо гэх шиг савдаг инээд алдав
Энд тэндээс гэнэт исгэрэх чимээ гарав
Гайтай явдал болов газар ангайж эхлэв
Галаар бороо оров ган гачиг болов
Гэрэлт есөн нар нь гэнэт бөхөж эхлэв
Гэдсээ чирсэн шулмас гэрийн хаалгыг тогшив
Өмхий улаан утаа уулын цаанаас ирэв
Өгөрч муудсан үснүүд хөндий талаар дүүрэв
Өсөж төрсөн нутаг нь өмхөрч хэмхэрч эхлэв
Өвгөн савдаг гайхав өвдөг сөгдөж унав
Үүл нь гараад бороо орохын
Үүдэн хойморын ялгаа юун
Үйл нь ирээд үхэхийн цагт
Хөгшин залуугын ялгаа юун


Ингээд фб дээрээ хадгалчихаж хаанаас хуулсан юм бүү мэд

2016-10-19

Харшилын гаралтай үрэвсэл

Заа яасан гэхээр би уг нь харшил гээчгүй их аятайхан хүн байлаа шүү дээ. Тэгсэн энэ хавар л учиргүй хамар загатнаж найтайлгаад, нус гоожиж хамар битүүрээд болохоон байсан. Хоёр долоо хоног шахуу ханиад ч юм боловуу, ингээд гайгүй болох байгаа гэсээр хамрын цацлага цацаж гүрийж байгаад тэсэхээ байгаад МЗд чирэгдээд эмнэлэг явсан. Яасан байх нь, харшилын гаралтай хамрын салст бүрхэвчний үрэвсэл гээд хамраа утуулж хоёр гурван удаа очиж цэвэрлүүлж эм бичүүлж уугаад, хийх юм дууссан хамрын доторх хавдаад байгаа хэсэгт эм түрхэх эмчилгээ хийлгэж болно дахиад болохоо байвал ирээрэй гэсэн юм. Тэрнээс хойш хамар ч зүгээр болж зун хайлж урсаад өнгөрч намар болсон дахиад өнөөх чинь эхэлсээн хөөрхий. Хамар ч яахав цацлага цацаад, эмчийн бичиггүй авч болдог эм авч уугаад амьдарч болоод байсан чинь нэмэгдээд нүд загатнаад, хааяа ч бүр гараа хийж байгаад маажаад хаямаар болж байгаа юм чинь. Тэгээд бас МЗд чирэгдээд нүдний эмнэлэг явсан, харшилын гаралтай нүдний нэг бүрхэвчний үрэвсэл гэнэ дээ. Явахын өмнө нэтээс хайсан чинь хавар намар харшилдахаар ингэдэг гээд уншсан, эмнэлэг явахаас өөр аргагүй гээд чирэгдээд явсан л даа. Тэгээд одоо өдрийн дөрвөөр хоёр янзын эм дусаагаад л сууж байх жишээний. Өнөөдөр эм дусаагаад дөрөвдөх өдөр болж байна, нүд загатнаж байгаа ч харьцангүй багассан. Ингэсгээд сэрүү орчихвол энэ харшаад байгаа юмнууд гайгүй болно байгаа гээд л сууж байхаас.

2016-09-29

Авсаархан хөл

Би нээрээ өчүүхэн хөлтэй гэдгээ хэллүү кк.. Эндэхийн размераар 220 өмсдөг. Пүүз л элбэг олддог, өөрөө ч дуртай болохоор пүүз өмсөөд л таваргаж өгнө шүү дээ. Гутал жижиг байх тусмаа хөөрхөн гэж юухүү, МЗ надад пүүз үзээд өөрөө адилханыг үзэхээрээ царай муутай гээд голоод авахгүй ккк. Чиний гуталнууд дандаа хөөрхөн жижигхэн гээд атаархана өө. Саяхан дасгал хийхдээ өмсөхөөр пүүз аваад ойрхон салхинд гарахдаа өмсөөд явав өө. Гуталны гаднаас харагдахгүй шахуу намхан оймс өмсөөд явсан чинь оймсон дээгүүр хөл холгочихсон, нуурын эргээр дэлгүүр байтугай хүнгүй газар явсан болохоор хөөрхий МЗ надад оймсоо тайлж өгөөд, дараа дэлгүүрээс оймс авахуу гсн атаман үгүй гээд тэр чигтээ гэртээ ирсэн хэхэ. Тэгээд байж байж саяхан өөр гадуур өмсөхөөр пүүз авав. Уг нь их хөөрхөн, дахиад хоёулаа гарахдаа нөгөө үйлийн үртэй жижиг оймсоо дахиж өмсөөд явсан дахиад холгочихсон. Уг нь гайгүй байсан чинь яг өмнө нь холгож байсан дээр бүр арьс нь хуулраад алхаж чаддаггүй ээ. Дахиад МЗ өрөөсөн оймсоо тайлж өгөөд, өмсөөд явах гсн арьсгүй болчихсон хөл чинь оймстой байгаад ч нэмэргүй юм байна лээ шд. Тэгсэн МЗ үүрүүл гээд үүрснээ "за согтуу юм шиг царайлаарай" гэнээ хаха. Тэгээд инээд хүргээд автобусанд суугаад гэртээ ирж амь оров шд..

Ай авсаархан хэрнээ, холгуулж ханадаггүй хөл чамайг яалтайв..

2016-09-26

Би.. 2

Би Монголоо гэсэн сэтгэлтэй залуу хүний цохилох зүрх
Би морин дэл дээр дуулан сэргэх эр хүний цогтой хийморь
Би босоо бичгээ шүтэн тэнгэрт тэмүүлэх өөдөө заяа
Би бор зүрхээ зогстол тэмцсэн ухаант өвгөдийн алтан удам..

2010-08-02

2016-09-19

Шалаар нэг...

За нөгөөхийн чинь өвчин нь хөдөлсөн шүү. Сая 3н хоног ургацын баяр нэмэх нь хагас бүтэнсайн гээд баахан амарсан. Бараг гэрээс цухуйгаачгүй ганцаараа тэнэг болтолоо тв үзээд шөнө 4 өнгөрөөж унтаж өдөр 2 өнгөрөөж босч дампуурсаар байгаад таарсан. Нойр солигдсон дээр нэмэгдээд санаагаар унаад шалаар нэг юм болсон байна. Ядаж байхад ойрд гэнэт гурван долоо хоногийн өмнөөс шахуу үс унах нь илт нэмэгдээд санаагаад унаад үхцц... Дээр ахыг ирэхэд гангатай цацлага авчруулсан, цацаад л байгаам уг нь унаад л байх юм. Уг нь багадаа үс ихтэй дээр нь хөвсгөр, сэгсийгээд л яваад байдаг байсан томроод шулуун хими хийлгээд бага зэрэг унаад байсан ч арай ч ингэж их унаж байгаагүй юм даа. Манай босс эм ууж үзэхүү эмнэлэг явахуу гэчихээд хосоороо халзан болох нь ашгүй гээд баясаад байгаа.
Амьдрал ийм л арзгар барзгар өнгө үзэмжгүй л байна даа. Нээрээ бас ойрд арьс нүхжиж унжаад уур хүрээд байгаа. Энд ирсэнээс хойш нүүрийн баясгалангүй болсоноос болоод бас нүүрний булчин суларчихав уу л гэж оношлоод байгаа, тэгээд ч нас ч явж өгч байна дөө хөөрхий кккк. Нэг их хөгшин хүн аятай юм болчихов уу яав..

2016-09-09

Карт хаягдав

Өнөөдөр хоол идэхээр явахдаа түрийвчнээсээ картаа сугалж авч халааслаад гарсан юм. Лабд хамт суудаг байсан со-той юу идэх уухаа яриад нэг газар ороод хоол идэв ээ. Идэж дуусаад тооцоогоо хийх гсн карт байхгүй.. Шоортонд 2хон халаастай утас хийсэн халаасанд хамт байсан юм байлгүй, утсаа гаргаж ирэхэд л уначихаж дээ гээд хүнээр хоол авхуулчихаад ирсэн замаараа газар шагайж явсан байдаггүй дээ. Со-г хүний халааснаас юм унаж байхад харж явсангүй гэж жоохон үглэж, албаар орхисон байна гэж жоохон үглүүлж орж ирээд үзсэн яах аргагүй байдаггүй дээ. Үнэмлэх, дансны дэвтэрээ аваад хажуу банкинд орж нөгөө картаа хаалгаж шинээр карт авав шд. Өмнө нь гадуур хувцасны энгэрийн халаасанд хийгээд хувцасаа тайлж барьж яваад бас хаяж шинээр авсан карт байсан юм. Гүй ээ мөн салгалсан хүн шүү гээд сууж байна. Тооцоо хийх болгонд мэссэж ирдэг болохоор анаад байсан ашгүй хүн олж ашиглаагүй бололтой, учиргүй их мөнгө байгаагүй болохоор бас ч гэж санаа бага зовсоон хэхэ.
Нөхдөд энэ талаараа хэлсэн чинь Монголд карт долоо хонож гардаг гэнэ үү? Би ч карт байтугай ашиглаж үзэхээсээ өмнө энд ирсэн болохоор мэддэггүй юм. Энд кредит карт бол хэд 7 билүү хонож гардаг, дебит карт бол нэр усыг нь шууд л тамгалаад өгчихдөг амар юм байна лээ.

Эндэхийн аятайхан үйлчилгээ, зохион байгуулалт гэх мэт юмсыг харахаараа манайх ийм болоосой л гэж бодох юм даа.

2016-09-07

Есдүгээр сарын долоон

За юуны түрүүнд 9н сарын 7ны мэндийг хүргэе ээ..

Өнөөдөр манай дүүргийн цагдаагийн хэлтэсээс дүүрэгт оршин суудаг олон үндэсний гэр бүл болон гадаад оюутнуудад зориулсан жолооны хичээл үнэгүй зааж өгнө гэхээр нь давхиад очлоо л доо. Ойрд дандаа шөнө 3 өнгөөж унтаад 11 гэж босоод байсан өнөөдөр 8д босох гэж хэцүүдлээ. Арай гэж 8:15д босох шив ккк.. Очоод хэдэн номын үсэг сонслоо. Би ер нь аааль дээрийн л хүмүүсийг жолоо үнэмлэх гэж байхад нь машингүй хэвтэж үнэмлэхээр яахав дээ гээд сонирхож байгаагүй хүн л дээ. Тэр чигээрээ нас яваад байхаар бүр аймхай болоод, хүний жолоодож өгч байгаад л сууя гээд бүр машин барих санаагүй болчихдог юмуу би л ганцаараа ийм юмуу бүү мэд, ямар ч байсан үнэмлэх авах санаа өвөртлөхгүй байсан юм. Ер нь энд ирээд юм хум сурах гэхээр л хэлийг нь ойлгохгүй бол яах юм гээд бүр айгаад байдаг байхгүй юу, гэтэл би чинь бас гайгүй овоо ойлгодог юм байна лээ шдээ гэхгүй юу кккк.

За хоёрдох сонин сайхан гэвэл өнөөдөр МЗ бид хоёрын 5н жилийн ойн баяр болж байна. Үерхсэн он сараа санадаггүй болохоор (арай хайнга уу гүй юу кк) анх уулзсан өдрөөрөө тэмдэглэдэг юм. Гүй ээ тэгээд удчихаар ийм болчихдог юмуу, манай хүн арай хэнэггүй юмуу бүү мэд ямар ч байсан надад гараар захиа бичиж өгөөрэй гэж үүрэг даалгавар өгсөн шд би ккк.
Эхний жил ажлын өдөр таараад бид хоёр орой нь уулзаж вино ууж торт идсэн ккк, хоёрдох жил амралтын өдөр таарч өдөр уулзах байсан ч нөгөөх оройтсоноос болоод би их ууртай очсон чинь надад өгөх гээд жижиг ууттай вит цэ-гийн уутны үзүүр болгон дээр хөөрхөн хөөрхөн үг бичиж наасаар удсан байна лээ хэхэ. Тэр үгнүүдийг нь хадгалчихсан байгаа. Гуравдахь жил Намсан гээд уулруу салхилсан амралтын өдөр байсан байх. Дөрөвдөх жил ажлын өдөр орой нь уулзаад тоорт идсэн хэхэ. Тэгээд өнөөдөр болж байна даа.. Дандаа идэж уусан юм болчихов уу яав.

2016-09-02

Насан үүрд ханилмаар

Гэнэ гэнэхэн гуниг даллан санаа алдмаар

Гэргий хонгор түүнийхээ харцанд уусмаар

Намирсан хар гэзгийн танил үнэрт мансууран согтмоор

Намар адил намба суусан чамайгаа улам хайрламаар


Сэм сэмхэн хайр дагуулан чамайгаа ширтмээр

Сэтгэл нууцхан догдлуулсан хаврын салхинд илбүүлмээр

Гомдол хэлхээгүй үгсийн толионд жаргал урламаар

Гоёж чамаараа өөрийгөө чимээд насан үүрд ханилмаар..


БМР 2012-03-16

2016-09-01

Есөн сарын нэгэн

Есөн сарын нэгэн боллоо
Ерөөсөө бидний баяр даа..

гэснээс энд их сургууль нь лав нэгдэхээс хичээл эхэлсэн, дунд сургуулийн цагийн хувиарыг би угаасаа ойлгодоггүй юм. Хичээлийн шинэ жил 3н сард эхэлдэг болохоор энд одоо бол хоёрдугаар улирал эхэлж байгаа юм л даа.
Би хувьдаа 9н сарын 1нд баярлаж хөөрч байснаа л санадаггүй юм. 10н жилд яанаа даалгавараа хийгээгүй гэж бодно, ойрд уулзаагүй ангийнханаа харна. Дунд нь орж бужигнуулдаг бүлэг биш холоос нууцаар ажигладаг хэсэг байсан болохоор учиргүй сайхан дурсамжтай хүн биш ээ.
Дахиад л нэг өдөр эхэлж гэж босоод сургууль дээр ирээд Нүүрномоос хэний хүүхэд өсч сургууль цэцэрлэгт орж гэж харсан шигээ өөрийнхөө нас нэмж явааг гайхах шив.. Хэд хэдэн найзын хүүхдүүд сургуульд орж, зарим нь ч аль нодлин байна уу уржнан орсон л доо. Ай, цаг хугацаа чи юунд ийм хурдан юмб гээд ажлаа хийх гэсэн өнөөдөр ханиад хүрэх гээд байгаа юмуу лагшин бүрхээд явчих чинь.

Найз нөхөд эцэг эх болохоор шал уйтгартай юмаа тэ, ярих ч юм олдохгүй..

Хөдөөгийн амьдрал шалдар булдар гэдэг шиг миний амьдрал ёстой шалдар булдар байна дөө..

2016-08-08

2016 оны зуны зугаалга

Долоо хоногийн зуны амралтаа аваад 3 хоногт нь зугаалаад үлдсэн хоногт нь зугаалганы ядраагаа гаргаад таарах шив. Яг хүн их амардаг халуун үеийг нь тааруулж амраад, зугаалж ирсэн өдрөөс эхлээд 35 зургаан градуст миараад муужраад дуусав. Өдөртөө болж өгвөл кондишн асаахгүй гүрийгээд, өдөр унтвал босч ирэхгүй байх гээд гарч кафе бараадаад шөнөдөө л амьдрахын эрхэнд кондишн асаагаад амьдарч байна даа. Өдрийн 4, 5н удаа усанд орсоор сүүлдээ ядардаг юм байна ккк. 

За тэгэхээр байна аа ийм юм боллоо л доо. МЗ бид хоёр зун бүр шахуу нэг тийшээ явдаг юм л даа. Энэ удаад Кангвонду(강원도) тийшээ явахаар шийдлээ. Аялалын маршрутыг МЗ гаргаж би хошуу нэмсэн хэхэ. Эхлээд 7н сарын 31нд өглөө Сөүлийн хурдны автобусны буудлаас (동서울터미널) Инжэ автобусны буудал (인재시외버스터미널) ороод, тэндээсээ Хёнли автобусны буудал (현리시외버스터미널) ороод тэндэхийн хот доторх автобусаар хэдэн минут яваад долоо хоногийн өмнө интернет дэлгүүрээс худалдаж аваад дөрөв хоногийн өмнө өдөр цагаа ярьж хэлсэн завьтай аялалын (레프팅) газраа очиж 2 цаг гаран голоор хийлдэг завиар зугаалсан. Дунд нь урсгал зөөлөн гүнзгий хэсэгт сэлэх цаг гаргаж өгдөг юм билээ. Аврах хантааз, каска бас өгсөн болохоор аюулгүй. Тэрийгээ дуусгаад ирж хувцасаа солиод автобусаад хүлээж халуунд жоол зогссон. Бид хоёр шиг автобусдаж байгаа хүн ганч ч байхгүй байна лээ. (энд ганц ч зураг дараагүй байна лээ ккк)
Тэгээд дахиад Хёнли буудал ороод бас автобусанд суугаад очих газраа хэлээд захиалсан байрлуугаа явсан. Автобуснаас буух үед бороо ширүүн ороод шал нойтон болсон, аз болж буудлын ойр байдаг юм байна лээ. Бороо нэг их удаан ороогүй тул сайхан сэрүүхэн, ойрын хэдэн жил гар хөл нугалаасаараа наалдахгүй байсан юмб дээ гээд МЗ-д шоолуулсан хэхэ. 
цонхоор сэрүүхэн агаар орж ирээд л.. 
вино авах санаатай байсан ч бид хоёрын орсон дэлгүүрт энэнээс өөр вино байгаагүй. Шилээр нь бариад л уучихсан хэхэ.. 

Сайхан сэрүүхэн хоноод маргааш нь алхаад 15 минут гээд байсан улсын хамгаалалтанд байдаг уулруу явах гэтэл юу вэ машинаар 15 минут шүү дээ гэнээ байрладаг байрны эзэн.. Настай хүн болохоор хэл сайн авалцаагүй бололтой, хүүд нь таксины төлбөрийг нь төлөхөөр болоод хүргүүлээд буцаад тосуулахаар болсон. Ядаж өглөө 10аас орж болдог, өгсөж уруудах нийлээд 2 цаг орчим болно, бид хоёрын буцах автобус 1,20д байгаа тэрнээс хоцорвол орой 6д гээд их бачуу өгссөн. Цагтай уралдаад гялс өгсөөд гялс ганц ганц зураг авхуулаад буцаад буусан хэхэ.


Дахиад автобусандаа суугаад Хёнли-гоос Инжэ ороод Нагсан далайн эрэг (낙산해수육장) дээр буугаад далайд жоол зогссон хэхэ, маргааш нь бас жоохон орж зогсож байгаад дахиад автобусдаад Кангнын (강릉) орсон. (энд бас зураг аваагүй хэхэ)
Тэндээсээ бас төлөвлөгөөний нэг хэсэг Хүэнггед (횡계) байрлах Самянг ферм (삼양목장) орсон. Энд газар нутаг багатай болохоор манайх шиг хотоос гараад л талаар бэлчих үхэр, хонь харагдахгүй шүү дээ. Тэгээд фермээс үхэр, хонь, тэмээн хяруул харж бас уулын өөдөө 5 орчим км алхсан. Сүүлийн автобус 6д гээд бас л цагтай уралдаад л мацчихсан хэхэ.

хөөрхий стрессддэг байлгүй ингээд мулзарчихсан царай алдчихсан байна лээ

өндөг нь гэсэн

энд ч ингэж бэлчиж яваа үхэр цөөн байх шүү



салхиар цахилгаан гаргана гэсэн хэрнээ эд нар бараг хөдлөхгүй л байна лээ

аль зүгт аль газар байгааг заасан чулуу байсан

Гэхдээ агаарт, хотын чимээнээс хол сайхан байна лээ. Далайн төвшинөөс дээш 1100м билүү өндөрт байдаг гээд сайхан салхитай сэрүүхэн байна лээ. Тэр хүртэл л төлөвлөсөн байсан болохоор сүүлдээ хоёулаа автобусанд хэт их суугаад ядраад тэндээсээ шууд гэртээ ирсэн. Автобуснаас буугаад л Сөүл гэдэг чинь ямар аймар халуун газар вэээ гээд үглэсэн хэхэ.. Ийм л байна даа ккк..
хүн зураг авч байхад нь саад бологч этгээд ккк

2016-06-24

...

Өглөө орсон бороон ганцхан дусал
Өрөөлийг услан өөрийгөө өгөөд харуусал үгүй
Өдөн дэрэн дээр унтаж үлдсэн бодол
Өдөржин ганцаардал нэрэн үдшийг хүлээнэ завсар үгүй


гээд 2011-06-22 нд бичсэн байна гээд фб дээр гарч ирсэн хэхэ

2016-05-25

Дурсамж

Өчигдөр гэнэт залуу насаа дурсаад ооё, нэг их хөгширсөн хүн аятай байна уу хэхэ. Анх Солонгос гэдэг улсад солилцоогоор ирж байсан үеэ дурсан бодсон юм л даа. Ер нь албан ёсоор их сургуулийн нэг хоёрдугаар курст сурч байхдаа англи солонгос хэлийг үзэж байлаа. Угийн англи хэлэнд авъяасгүй хэрнээ шалгалтанд одтой байсан юмуу мундаг хүүхдүүдтэй нэг групп болоод англи хэлээ бүр ойлгоогүй өнгөрөөсөн дөө. Харин бүх хүүхдүүд адилхан солонгос хэлээ эхнээс нь үзсэн болохоор, бас өгүүлбэрийн бүтэц нь адил болхоор солонгос хэлийг илүү сонирхолтойгоор сурсан байх. Ер нь ангийнханаасаа арай дээр байсан болхоор өөрийгөө бас ч гайгүй хэлтэй гээд бодчихсон нөхөр анх Солонгост солилцоогоор ирж байлаа. Хичээл эхэлсэн хойно шахуу явуулахаар болсон болохоор хам хум ирсэн чинь манай мэргэжлээс шал өөр мэргэжлээр явуулчихсан байсан юм. Дээр нь сүмийн сургуульд хэхэ, гэхдээ жижиг сургууль болоод ч тэрүү бүгд надтай хамт явсан найз охин бид хоёрт их сайн ханддаг байсан юм. Нөгөө мундаг хэлтэй хүн чинь ирээд хүн юм тайлбарлаж өгөхөөр нь тэр үг нь юу гэсэн үг юм гээд үг бүрээр нь тайлбарлуулдаг байлаа хэхэ. Хичээлдээ суулаа, хичээлээ ойлгодоггүй дээ. Яаж ч ойлгохов өөр мэргэжлээр мэдэхгүй хэлээр ккк. Шалгалт ч дөхлөө, багш хөөрхий хэл мэдэхгүй 2ыг (хамт ирсэн охин) өрөвдөөд номоо уншаад ойлгосноо яриад дүнгээ гаргуул гэхээр нь уншдаг баатар болсон чинь мэдэх үг түй ч байхгүй. Хичээлийн ном мангар том зузаан ядаж ганц зураг байтугай граф ч байхгүй. Эхнээс нь эхлээд үг үгээр нь орчуулаад, тэр үед надад интернет орох ком байхгүй, байсан ч ашиглаж мэдэх ч байсан юмуу дөө хэхэ. Цаасан толь бичгээ эргүүлээд л, залгавар залгасан үг нь толь бичигт байхгүй ээ. Шалгалтын үе болохоор асуух хүн байхгүй, өөр таньж мэдэх хүн байсан биш ямар.. Хөөрхий нэг хуудсыг хоёулаа хэдэн өдөр нийлж орчуулаад ч сайн ойлгоогүй хэхэ, хагас дутуу ойлгосоноо дахиж цээжлэх гэж бас л алингаа алдаж билээ цээж муутайг ч хэлэх үү... Гэхдээ л анх удаа гэрээсээ гарч бие дааж их юм үзсээн хөөрхий хэхэ.

2016-05-17

Философи ба би

Хүн болгон өөрийн гэсэн ертөнцийг үзэх үзэл бодол байр суурьтай. Тэр нь төрж өссөн орчин, гэр бүл, найз нөхдийн хүрээлэл зэргээс хамаарч бага зэрэг өөрчлөгддөг байх л даа. Гэвч бусдын үзэл бодлыг сонсдог, хүндэтгэдэг байх хэрэгтэй гэж бодоод байгаа. Ямарваа нэгэн зүйлийг би ингэж боддог, чи ч бас ингэж бодох ёстой гэж тулган шаардах нь бүдүүлэг зүйл.

Гэх мэтчилэн хааяа шөнө нойр хүрээгүй үед элдэв өнгөрсөнд болсон, ирээдүйд болох үгүй нь тодорхойгүй зүйл бодож нервтэж хэвтдэг юм. Тэгсэн гэнэт манай хумхын ордныхон ирээдүйгээс ирсэн хүмүүс учир одоогийн хүмүүстэй зохицож амьдрах хэцүү байдаг гэсэн зурхай санаанд ороод хэхэ. Ер нь философич болдог ч юм билүү, тэгвэл хэдэн зууны дараа хүмүүс намайг учиргүй ухаантай мундаг хүн байж билээ гээд магтах байхдаа гэсэн шиг дэмий балай юм мөрөөдөөд сууж байна даа хэхэ..

2016-05-12

Няв нялх БМР

Нүүрномоос нэг юм уншсан чинь бүр сонин санагдчихлаа. Би чинь өөрийгөө их нялх залуугаараа байгаа, амьдрал үзээгүй, хүн амьтны ааш араншинг таньж мэдэхгүй нас залуу цус шингэн гээд боддог байхгүй юу. Тэгсэн сүүлийн үед хараад байхад хорь дөнгөж гарсан хүүхдүүд л өөрийгөө их том болсон л гэж боддог юм байна. Би тэр үедээ одоо байгаагаасаа илүүгээр өөрийгөө бүр няв нялх гэж боддог байсан, одоо ч бас ч гэж арай дээрдээд нялхын ангид орсон гээд боддог байхгүй юу хэхэ.
Өө тэгээд хүнтэй сууж хүүхэдтэй болохоороо том болдог юм болов уу ч гэж бодох шиг. Би ч тэгвэл том болтол дахиад хэдэн жил дутуу л байгаа юм байна даа гэхгүй юу хэхэ. Хүн өөрийгөө юу гэж бодох нь надад юуны хамаа байхав гэхдээ л гэнэт миний л цаг хугацаа зогсоод хүмүүсийнх аль хэдийн яваад өгсөн юм шиг л санагдаад сууж байна. За за ажлаа хийж амьдралаа бодох минь.

2016-05-09

Шумуул ба хэл

Би ер нь их хэл ярианы баялаг муу хүн юм шиг байгаа юмаа. Хүмүүсийн блогийг уншихаар хажууд суугаад хууч хөөрч байгаа юм шиг гоё уншигддаг хэрнээ өөрийнхөө бичлэгийг уншихаар учир авцалдаагүй түг тагхийсэн санагдаад байх юм. Цаанаасаа яриа хөөрөө сайтай хүмүүс бичихдээ хүртэл гоё бичдэг юм боловуу.
Энэ зун хариад ирнэ гээд бодож байсан талаар болсон шүү дээ нээрээ. Ажлаа хийж төгсөхөө бодъё дөө..
Өчигдөр цонх тор хоёрын завсар порлон наасан, шумуул орж ирээд байх шиг байна лээ би ч амтлаг хүн болохоор шумууланд бариулж өгнө шүү дээ. Нодлин нэг шөнө 5н шумуул алсан гээд л бодчих ккк. Энэ жил багахан шиг мөлжүүлчих л санаатай байна. Зика эдр гээд вирус гараад байгаа юм чинь битгий хазуулаарай гээд МЗ захьсан, би хазуулмаар байна гээд хазуулдаг л юм шиг юм яриад байх юм гээд би жоол шоолсон ккк.

2016-05-02

Сормуус минь нулимсан гоёлтой

Сормуус минь нулимсан гоёлтой
Солонгорон харагдах сувдан хэлхээтэй
Унахдаа уянгын аялгуутай
Урсан одох мөнгөн харгуйтай
Дусал бүр нь дурсамжин уяатай
Дундраа нь үгүй харууслан зангуутай
Харц минь болор бүрхүүлтэй
Халуу төөнөм нууцхан инээмсэглэлтэй
Ханатлаа урсах шорвог урсгалтай
Хацар дагах цагаан замтай
Хайранд бүдэрсэн гэнэхэн гунигтай
Хариу нь олдохгүй ганцхан асуулттай..

Сормуус минь нулимсан гоёлтой

БМР 2012-02-07


Гэнэт энэ шүлгээ санаад хайж олж ирэв

2016-04-27

Ханиаданд дарлуулав

Өнөөх чинь ханиад зооглосоон. Ханиад надад дуртайг хэлэхүү улирал бүрт нэг удаа заавал ирж намайг ноолж ноолж явна. Хүмүүс шиг дэмийртэлээ халуураад гайгүй болчихгүй, хүн харахад жоохон хамар битүүрсэн л хүн яваад байна өөртөө бол зовиуртай байгаад байдаг. Ер нь ихэвчлэн хамар битүүрч эхний өдөр нь завсар зайгүй тэнхээ тасарч толгой манартал найтайна, хүн хархаар зүгээр болчихно өнөөх нь хэхэ. Тэгээд дараа дараагийн өдрөөс нь гайгүй болчихдог юм. Тэгсэн энэ удаагийнх арай өөр байнаа. Өчигдөр оройноос хоолой нэг л бишээ, аргаад байгаа ч юм шиг тослоггүй болчихсон юм шиг санагдаад их онцгүй байсан чинь өглөө босссоноос хойш толгой өвдөөстэй хамар битүүрээстэй (цацлагаа цацаад арай дээр), ханиалгаастай хоолой зураастай л байж байна. Хоолны дуршил байхгүй болоод хоосон байж байсан чинь гэнэт үдээс хойш өлсөөд жоохон юм идсэн хэхэ.

Би нэг их ханиаданд эм тан уух дургүй байдаг юмаа. Эм уувал 14 хоног, уухгүй бол хоёр долоо хоноод эдгэдэг гээд байдаг юм байна лээ. Эм уухын тулд өглөө өдөр оройгүй хоол иднэ. Хоол идэх чинь их асуудалтай эд байгаа юм. Бага байхад ээж нэг эмтэй тосоор нуруу тослоод л ханиад эдгээчихдэг байсан болохоор ер нь учиргүй ханиаданд эм тан ууж сураагүй юмаа. Дээр нь дургүйд хүчгүй гээд хэхэ.. Хариад жоохон амарчихвал гайгүй болчих байгаа гээд гүрийгээд сууж байна.

2016-04-20

Арьс ба жин

Би ер нь их хуурай арьстай хүн л дээ. Тэрийгээ өөрөө ч мэддэггүй байлаа. Ямар сайндаа бараг их сургууль төгсөх хүртэлээ хоёр хацар дээрээ холцруутай, тэрийгээ тийм л байх ёстой мэтээр бодож явдаг байсан гэж байгаа. 9 байна уу 10 дугаар ангид бага эгчийн түрхдэг охидын чийгшүүлэгч сүүн шингэнийг түрхээд дээр нь бэр эгч өөртөө авсан чинь таалагдахгүй байна гээд өнгө адилаар нь надад өгсөн хуурай пудрийг түрхсэн болоод явдаг байлаа. Хааяа эгчийн сормуусны будгаар хэдэн муу сормуусаа будахчаа аяднаа бас. Даанч тэр үед одооных шиг бууж барьдаггүй юм байсан биш миний муу бүлцэн нүдэнд тэр аяараа арчигдаад алга болдог байж билээ. Тэгээд 3р курстээ Солонгост оюутан солилцоогоор ирээд өөрийн гэсэн чийгшүүлэгч сүүн шингэнтэй болсон юм. Тэрийгээ бүтэн жил хэрэглээд үлдсэнийг нь авч явж бас хэрэглэж байсан гэхээр овоо удсан байгаа юм шүү хэхэ. Их сургууль төгсөөд дахиж ирсэнээс хойш хүний нүүр ийм хуурай байх ёсгүй юм байна нүүрэнд хоёроос илүү юм түрхдэг юм байна гэдгийг бага багаар мэдэж авсан даа. Бас их эмзэг арьстай гэдгээ мэдэж авсан, хуурайшаад байвал маск тавьдаг юм байна гэж мэдэж авсан хэхэ. Одоо бол хааяа жоохон эвгүйтвэл хацарнаасаа эхэлж холцруутахыг эс тооцвол их аятайхан байдаг болоод байгаа. Даанч аятайхан болж эхэлж байтал духнаас эхлээд үрчийгээд байх юмөө. Бас нэг асуудал нь бараг 10р ангиас эхлээд хамар хар эрээн болчихсон. Одоо энэнтэйгээ зууралдаад л байж байгаа, арилахгүй юм хааяа ч бүр уйлмаар санагдах юм байна шд.

Нээрээ би анх солилцоогоор ирэхээсээ өмнө өөрийнхөө биеийн жинг мэддэггүй байлаа. Таргалах гэж юу байдаг талаар мэддэггүй байлаа хэхэ аягүй онгирсон тэ. Тэгтэл яав, орчин солигдоод хоол ундаа тааруулж мэдэхгүй хүн чинь өлсөөд идээд байсан чинь 8кг таргалаад өмдний размер хоёроор нэмэгдэж байсан юм даа хэхэ. Жил болоогүй гэртээ очсон чинь гэрийнхэн пэээээ гээд дуу алдаж байсан гэхээр бас овоо бондойсон байгаа юм шүү. Гэртээ хариад элдэв арга хэрэглээгүй нэг жилийн дотор буцаад хэвэндээ орж байлаа. Тэр үеийн зурагаа үзэхээр сайхан малийсан л хүн байдаг юм хэхэ.. Дахиж ирээд 3н сарын дотор 4 кг нэмсэн байсныг эрчимтэйгээр бассэйнд явж хоолоо хянасаны эцэст буцааж хэвэндээ орсон. Гэхдээ бассэйнд явахаар илүү өлсөөд их идээд таргалах гээд байдаг юм байна лээ шдээ. Одоо бол гэдэс хавиар хуримлал үүсээд байгааг л байхгүй болгох санаа өвөртлөөд л байгаа. Даанч санаа өвөртлөхөөс өөр юм хийхгүй болхоор өөрчлөгдөхгүй юм байна өө кккк.

2016-04-19

Тэр мөчид би..

Зүрхнээс минь урсан гарах үгс зүрхэнд хүрэх мөчид би
Оддын дэргэд сартай амьдрал ярилцан гашуун бодолдоо халамцан агсамнаж суух биз

Зүүдэнд минь үзэгддэг сайхан мөрөөдөл биелэлээ олох мөчид би
Оосор бүчгүй бөмбөрцөгийн нэгээхэн бөөрөнд биеэ нуучихаад орчлон хорвоогийн нууцыг тайлахаар үүрийн гэгээ цайртал ганцаар тэнэх биз

Зуун зууны туршид дагаж ирсэн шулуун зам минь хазайх мөчид би
Юунд ч юм гоморхож уйлчихаад нулимсанд халтартсан нүүрэндээ инээмсэглэл тодруулан замын хажууд амсхийж суух биз

Зулзган модод гөлөглөн хорвоо дэлхий тэр аяараа хайранд мансуурах мөчид би
Юунд ч юм сэтгэл амран хөнгөхөнөөр санаа алдчихаад удахгүй мэдрэх тэр амар амгаланг төсөөлөн эцсийн амьсгалаа гаргах биз


БМР 2010-11-08

2016-04-15

Эмтэрхий бодлууд

Манайхан гүй ээ мөн хүний төлөө хүмүүс шүү гэхгүй юу хэхэ. Нээрээ ойрд найз нөхөд хамаатан садан гэрийнхэн гээд бараг бүх хүмүүс намайг хөгширч байгаад санаа зовоод, хурдан хүнтэй сууж хүүхдээ гарга гэдэг боллоо хэхэ.. Миний төлөө санаа тавьсанд баярлалаа л гэмээр санагдах юм даа. 

Би өөрөө өөрийгөө хөгширсөн барьсан гэж бодоогүй байхад л хүмүүс юу юугүй хөгшрүүлээд хадан гэрлүү нь дөхүүлчихсэн шиг л санагдах юм байна шд. Харин ч хол тулдаа бага сонсож байгаа байх Монголд байсан бол чихэндээ хонх зүүсэн юм шиг л байх байсан байхдаа тэ. 

Би бол одоо байгаадаа сэтгэл хангалуун байна өө. Ер нь хүнтэй суусан ч эхний хоёр гурван жилдээ хүүхэд гаргахгүй л гэж бодож байгаа. Юу юугүй хүүхэдтэй болоод гэртээ суувал яг галзуурах маркийн хүн гэдгээ мэдээд байдаг юм. Хүнтэй сууж хүүхэд гаргах бол хувь хүний сонголтын л асуудал гэж боддог болоод байгаа. Өмнө нь бүр яаж нэг хүнтэй насыг бардаг байнаа гэж боддог байснаа бодвол арай өөр бодолтой болж байгаа л даа гэхдээ ккк. Одоо бол энэ хүнтэй бол бас амьдарч болох ч юм шиг санагддаг болсон болхоор.. 

2016-04-04

Бодрол



Өөртэйгөө өнгөрүүлсэн хугацааг би бодрол гэж нэрлэнэм
Өнгөрүүлсэн бүхий л амьдралаа би зүүд гэж нэрлэнэм
Болзсон бүхий л залуусаа би залуу нас гэж нэрлэнэм
Бодлогогүй унагасан үгсээ би чулуу гэж нэрлэнэм

Гуниг халиасан санаа алдалт бүрээ би салхи гэж нэрлэнэм
Гомдол цалгиулсан нулимс бүрээ би бороо гэж нэрлэнэм
Үзүүр нь үгүй мэт хүлээлт бүрээ би үүл гэж нэрлэнэм
Үнэнд бүдэчсэн мөрөөдөл бүрээ би одод гэж нэрлэнэм..


2012.10.18

(Зураг нь бас миний дарсан зураг бөлгөө)

2016-03-30

Аялсан нь

За өнгөрсөн хагассайн өдөр МЗ бид хоёр зугаалахаар болсон юм. Хамаг буудал, автобусны билетээ захиалсан хойноо бүр орой цаг агаар харсан чинь яг хагас бүтэнсайнд сэрүүсээд бороо ороод нэг дэхээс дулаарна гэдэг байна шүү. Өө дараа долоо хоногт болохоос гээд буудлаа цуцлах гэсэн чинь буудаллах өдрийн урд орой таван цагаас хойш бол нэг хоногийн төлбөр шимтгэлд авна гэдэг байна даа. Заа өнгөрсөн гээд яваад ирсэн. Солонгосын газар нутаг дээр байсан Шилла, Бэгжэ, Кугүрё гэдэг гурван улсын нэг болох МЭӨ 57 оноос МЭ 935 он хүртэл бараг 1000н жил оршин тогтносон Шилла улсын нийслэл байсан одоогийн Кёнжү хотруу явсан. Зөндөө олон бунхан байсан хаадынх нь юмуу гэхээр бүр хэт олон санагдаад ямар сайндаа би хаадынх нь хатдынх нь үр хүүхдийнх нь гээд том жижиг янз бүр байгаа байх гэж бодож байхав.

Энэ олон чинь бүгд бунхан гэсэн
Нэгийг нь тал хэсгийг нь ухаад дотроос нь гарч ирсэн эд зүйлсийг харуулсан музей байсан, дотор нь зураг дараагүй ээ



Уг нь урд зүг дулаахан болхоор цэцэг дэлгэрсэн байх гэсэн чинь замбага л дэлгэрсэн байна лээ бараг
Энэ зүйл дээр гарч оддыг дуранддаг байсан гэсэн. Газраас харсантай адилхан л санагдсан надад лав ккк
Шилла бурхны шашинтай байсан гэсэн.


Тэдди баавгайн музей үзсэн. Шиллагийн тухай ийм юм хийсэн байна лээ.

Хэдэн тонн хонх хийсэн чинь дуу нь таалагдахгүй гээд нялх хүүхэд хайлсан төмөр дотор хийгээд тэр төмрөөр цутгасан хонхыг цохих болгонд хүүхдийн ээжийгээ дуудаж байгаа дуу сонсогддог гэсэн домог байдаг юм байна лээ. Надад бол аймшигтай санагдсан.

Хийд
Бурхан багш

Дээрх хийдээс цааш 2.2км яваад уулан дээр бурхан багшийг агуйд дагалдагчдаар нь тойруулаад чулуугаар хийсэн байсан. Зургийг нь авч болохгүй гээд дараа нь музэйд байхдаа зурагных нь зургийг авсан хэхэ. 


Заа нэг иймэрхүү л явах шив дээ. 

Тэдди лусын дагина ккк

2016-03-25

Дурсгалын мөнгөн бэлзэг хуруунд тогтохоо больчихож


Дурсгалын мөнгөн бэлзэг хуруунд тогтохоо больчихож
Дурлалаар ээрдэг бүсгүй хүний гэргий болчихож
Дуу дууны сайханд уярч суухаа больчихож
Дутаж үзээгүй амьдрал минь чамаар дутдаг болчихож
Дусал дуслаар орох бороо гуниг авчирдаг болчихож
Дурсамжиндаа умбан догдолоод сэтгэл сэргэхээ больчихож
Дуут шувуудын ганганаа чамруу хөврөхөө больчихож
Дуугүйхэн инээмсэглэх төрх чинь зүүдэнд ирчихээ больчихож

2011.04.03

(өөрийнхөө дарсан зургаар гангарнаа кк)

2016-03-10

Хэрвээ би чулуу байсан бол



Хэрвээ би чулуу байсан бол
Хээнцэр бүсгүйн гарыг чимэн
Хайртай залуугийн сэтгэлийг илчлэх
Хайр гуйсан хуримын бөгжний 
Хараа булаам шигтгээ байх байсан биз

Хэрвээ би чулуу байсан бол
Халамжит ханийн сэтгэлийн илрэл
Хайртай нөхрийн илтгэлийн бэлэг
Хүзүү чимэн энгэрт эрхлэх
Хайрын зүрхний шигтгээ байх байсан биз

Хэрвээ би чулуу байсан бол
Хайртай бүхний сэтгэлийг сэмлэн
Харуусал гашуудлын нулимсаар угаагдах
Хатуу орчлонд амьдарч байсны илрэл
Хатан булшны чулуу байх байсан биз

2009. 10. 12

(зургийг Гүүглэ гуйгаас туув)

2016-03-08

ОУЭЭХӨ

Олон улсын эмэгтэйчүүдийн эрхийг хамгаалах өдөр.. Манайхан гүй ээ мөн сайхан өргөн дэлгэр тэмдэглэнэ шүү дээ тэ. Би энд сургууль дээрээ, ээжрүү залгаж байсан чинь мэссэнжэрт ороод ирсэн, нөгөө хэд ирэхгүй байхөө маргааш ажлын өдөр юм чинь гээд байж байсан чинь айлууд ар араасаа орж ирээд намайг тоох хүнгүй болоод хэхэ.. Нэг нэгээр нь дуудаж тоогдов. Сүүлд 2р ангийн дүү маань "за за таньд баярын мэнд" гээд ярих хүмүүс дуусав бололтой би ч ажлаа хийхээр болоод салгалаа шд. Гэрийнхнийхээ бужигнахыг харсан чинь бүр харимаар санагдаад сууж байна.

Нэг сонин ойлгомжгүй юм байнаа. Ээж эхнэр охиндоо нүүрномоор дамжуулж мэнд хүргээд байх юм. Хувь хувьд нь хүргэдэг байх л даа гэхдээ л заавал олон нийтээр зарлах нь сонин худлаа харагдаад таалагдахгүй байна. За надад ч юуны хамаа..
Ер нь сүүлийн үед бусдад харагдахад л гол анхаарлаа хандуулдаг болоод байх шиг..

Бас нэг онцгүй зүйл гэвэл хаана хэдэн ихэр хүүхэд төрлөө, ерөөлөө хайрлаарай гээд дөнгөж төрсөн хүүхдүүдийн зургийг дэлхий нийтээр цацчих юм. Өөрийнхөө хүүхдийг байсан бол тэгж цацахгүй дээ, саяхан нэг эмнэлгийн нүүрном хуудсан дээр байхыг харлаа. Тэр нялх хүүхдүүдэд хар цагаан хэл ам элдэв юм болвол яах юм. Сар хүрэхээс өмнө гадны хүмүүс нэг их гэрээгээ оруулаад байдаггүй билүү?

2016-03-04

Дуу сонсоод л..

Нодлин эндэхийн нэг хөгжөөнт нэвтрүүлэг байдаг юм л даа. Тэрүүгээр 90ээд оны үед од болж байсан 10н хамтлаг дуучинг сонгоод яг тэр үеийнх нь хувцас тайз засалттайгаар нь тоглолт хийсэн юм. Тэр тоглолтын нэвтрүүлгийг нь үзсэн чинь бараг л миний дурсамж сэдрээд догдлоод байгаа юм бишүү ккк.. Одоо ч хааяа тэрийг давтаж үзүүлэхэд дахиж үзэж байгаа хэрнээ л нэг л гоё дурсамж сэдэрч (тэр үед энд байсан ч юм шиг, ямар юмных нь дурсамж байхав дээ уг нь тэ ккк) догдлоод гоё санагдаад байдаг юм. 

Ганц дуу оруулчихдаг ч юм билүү



2016-02-18

Гар цайлгах талаар

Би ер нь хүний гарыг цайлгах талаар ихэнх хүмүүсээс өөр эсэргүү бодолтой байдаг юм л даа. Энд хоёр гурван эмчлүүлэхээр ирсэн хүмүүсийг харахаар бүр гайхаад барахгүй юм. Төлбөрөө төлөөд эмчилгээ үйлчилгээгээ авч байж ирэх болгондоо нэг сувинер ч юмуу архи ч юмуу авч ирнэ. Ер нь бол төлбөр тооцоогоо чирэгдэл бололгүй төлж байгаа юм чинь авах ёстой эмчилгээ үйлчилгээгээ авч бас сурах хэрэгтэй л гэж бодоод байдаг юм л даа. Тэр хүн ч үйлчлэх ёстой, тэр нь тэр хүний хүлээсэн үүрэг биз дээ. Би бол заавал гар хөлийг нь цайлгах шаардлагагүй гэж бодоод байдаг юм. Ганц нэг удаа бол ч яахав гэхсэн, хэдэн сар болоод л ирж байгаа байж ирэх болгондоо нэг юм авчирна. Миний ч бүр гэдэн хөдлөөд хэлчихмээр л байх юм. Даанч бага гэж голоод хүний үг сонсох хүн байх биш эндээ л нервтэхээс кк..

Санаж явдаг хүмүүс

Дөрөвдүгээр анги төгсөөд ангийн багш солигдоно гэсэн тул тавдугаар ангидаа өөр ангируу шилжсэн юм. Сургууль дотроо л доо. Тэгээд шилжээд ордог өдрөө ээж хаанаас ч юм авчирч өгсөн час улаан хилэн юм шиг судалтай юбка пиджак шиг хослол өмсч явж байлаа. Шинэ орсон анги маань нэгээсээ эхэлж хамт байсан хүүхдүүд ихтэй, бараг 42 сурагчтай болхоор зарим хүүхдүүд гуравлаад суудаг байлаа.  Эхний өдөр таних хүнгүй, суух суудалгүй гайхаад байж байтал өндөр туранхай Уянга гээд охин намайг "Улаанаа нааш ир энд суу" гээд хамт суудаг хүүхэдтэйгээ дундаа хийгээд суусан юм. Нөгөө бишүүрхүү, дуу муутай жижигхэн охинийг анх тоосон тэр охин маань бараг дараа жил нь өөр сургууль руу шилжсэн байх шүү.

Дараа нь ангийн дарга гээд томоо алаг нүдтэй урт шулуун үстэй өндөр туранхай охинтой найзладаг байлаа. Бичгийн хэлбэр нь том том дөрвөлжин, их чанга дарж бичдэг болхоор дэвтэрийн хуудаснууд нь бараг хуйлардаг байсан юм. Тэр найз охин маань долоо билүү наймдугаар ангид шилжээд явсанаас хойш холбоо тасарсан даа. Тэр үед гар утас байтугай имэйл, интернет гэж мэддэг байсан биш сургууль дээр л ирж уулздаг байсан үе юм чинь. Гэр нь нэгдүгээр хороололд гээд хол байсан болхоор тэгээд л холбоо тасарчихсан. Одоо ч хааяа ФБ-ээр хайдаг л юм. Даанч ямар нэрээр байгааг нь ч мэдэхгүй, дээр нь элбэг нэр болохоор хар мянган хүн гарч ирж байна лээ. Нээрээ танил маань 10н жилдээ хамт сурч байсан болж таараад, даанч төгсөөд бас холбоогүй байгаа гэж байсан.

Бүр бага ангид хамт байсан өндөр бор охин хааяа санаанд ордог л юм. Даанч нэрийг нь сайн санадаггүй ээ. Ингээд бодоод байхад би өндөр охидуудад их дуртай ч юмуу хэхэ ..

2016-02-17

Аяны богц задлуулаад хэхэ

Өнөөдөр ах бэр эгч хоёр ирэв. Аав ээжийнхээ цүнхнээс нь гарч ирэх гоё юмыг горьддог хүүхэд шиг л суулаа шүү дээ. Энд тэнд хүн хүнээс нэг хоёр ном явуулсан гээд баахан зузаан номтой болов. Хэзээ нэг уншиж дуусах юм байгаа юм бүү мэд. Ном ном гээд үглээд байсан хүний амыг нь ашгүй нам таглав гэж байгаа байхдаа энэ хүмүүс хихи..

Дээр найзуудтайгаа чатлахдаа гоо сайхны ойр зуурын юм хийх паучтай болмоор байна гэж жоохон үглэж байгаад мартчихсан байсан юм. Тэгсэн манай "Уран Думаа" маань жижихэн хөөрхөн пауч хийгээд явуулчихсан байна шдээ. Цайвар цэнхэр миний дуртай өнгөтэй ёстой хөөрхөн. Ах эгч хоёрт гайхуулаад хэхэ.. Өөр ямар энэ хавьд надад гайхаж өгөх хүн байх биш..

Ээж надад гурван хавсай явуулнаа гэхээр нь за тэг тэг олон хэрэггүй шүү гэсэн юм уг нь. Тэгсэн ах эгч хоёрт гурван хавсайны зөвшөөрөлтэй гээд их бахархалтайгаар явуулсан бололтой хэхэ.

Энэ цагаан сараар ч билетний үнэ хямдарсан сургаар гэрлүүгээ явдаг юмуу гээд жоол гэгэлзсэнээ хүйтэн байгаа сургаар больсон. Дээр нь очиж 14 хонохдоо сарын цалингаараа явна, ирээд байр хоол гээд хэцүүдэх байх гээд больчихсон юм л даа. Манай хүн ч намайг харимаар байна гээд хошуугаа унжуулсан чинь багшдаа хэлээд долоо хоног явчихаад ирэх юмуу гээд л байсан хэхэ.

2016-02-09

Цагаан сарын шинийн нэгний өглөө

Цагаан сарын шинийн нэгний өглөө
Цайгаа чанаад гоёлоо өмслөө
Тооноор нар тусах үеэр
Томчууд хүүхдүүд өвөөгийнд цугларлаа
Ажаад байхнээ
Аав ээжтэй золгосонгүй
Ах бэргэн эгчтэй золгосонгүй
Авгай нөхөр хоёр золгодоггүй 
Ардын ёс байдгийг мэдэж авлаа
Айл гэж болж тоглохдоо
Алимаатайгаа би золгохгүй ээ

гээд шүлэг өглөө шууд аманд орж ирж байна. ФБ-ээр дүүрэн гоё гоё дээлтэй хүмүүс, гэр бүлээрээ хослуулж эдр их дээл өмсдөг болж. Тэрийг нь харж би жоол атаархав. Аав ээждээ гоё хос дээл хийлгүүлэх юмсан гээд мөрөөдөв. Шөнө нойр хүрээгүй өглөө 5 өнгөрөөж унтсан тул 12 өнгөрөөж сэрээд гэрлүү ярив, хүмүүс бужигнаад айл айлаас нэг нэг төлөөлөгчтэй ярьж мэнд хүргээд миний шинэлгээ дуусав хэхэ. Учиргүй нүүрээ угааж нөгөө хувцасаа өмсөөд лаб дээрээ ирэх шив дээ. 

Нээрээ гадаадад байдаг монголчууд маань ширээ засаад битүүлж, шинэлдэг юм байна. Над шиг ширээ засах нь байтугай хоол хийж идсэн нь их юм болж байгаа хүн алга шив. Өчигдөр гурван бууз нэг хуушуур идсэн чинь ходоод маань шингээж дийлэхгүй, кола гаазтай ус ууж шингээв дээ. 

Шинийн нэгэнд эрдэм номдоо шамдсан хүн чинь энэ жил бужигнуулаад дуусгах байлгүй дээ гээд харья даа..

2016-02-01

Ном сонин уншъя, ногоон модоо тарья..

Би нээрээ ирээд тав зургаан жил болж байгаа байж эдний хэлээр ном бараг уншиж үзээгүй хүн шүү дээ. Ойрд ганц нэг ном уншдаг болоод байгаа. Хамгийн анхны ном нь The Little Prince (French: Le Petit PrinceFrench pronunciation: ​[lə.pə.tiˈpʁɛ̃s]гэдэг ном байсан. Гүн гүнзгий утгыг нь ойлгоогүй ээ, мэдэхгүй үг зөндөөтэй байсан болхоор тэгсгээд уншаад дуусгасан хэхэ.. Дараа нь яргай загасны тухай томчуудад зориулсан үлгэрийн ном гээд солонгос зохиолчийн ном хэдэн жил дамнан уншаад дуусахгүй байваа. Тэгсэн "Муму" сонирхолтой ном гээд байхаар нь найз залуугаараа хэлний дээд шатанд тэнцсэний бэлэг гээд авхуулахаар болсон чинь өмнөх жил дамнасан номоо дуусга гэдэг байна шд хэхэ.. Тэгэнгүүт нөгөө хэдэн жил уншигдахгүй байсан ном чинь хэд хоногийн дотор уншигдаад дуусч нтр.. Тэгж нэг юм Муму-гаа авхуулж уншсан кк.
Нээрээ саяхан "29 насны төрсөн өдөр, жилийн дараа үхэхээр шийдэв" гэж орчуулах юмуу даа япон зохиолчийн ном уншсан. Гол дүр зарим талаараа надтай үнэхээр адилхан санагдсан, гэхдээ надад тэр хүн шиг тийм зориг гарахгүй л дээ. Одоо бол номын дэлгүүр хааяа орохоороо уншиж байгаа энэтхэг зохиолчийн "Гэрийн зүг" гэдэг ном уншиж байгаа. Бас л бодит байдлаас сэдэвлэсэн гэсэн, удахгүй "Lion" гэдэг нэрээр кино хийгдэнэ гээд номныхоо хавтасан дээр бичигдсэн байна лээ. Бас нэг "Hector and the search for happiness" гээд кино үзээд, тэр эрчиндээ номыг нь авч уншсан. Таван жилд тавхан ном уншиж дээ хөөрхий кк..

Хүмүүсийн номны талаар уншаад хобби хөдлөөд өөрийнхийгөө бичсэн чинь юу вэ ккк

2016-01-18

Өдрийн тэмдэглэл

Амьдрал үргэлжилдгээрээ үргэлжлээд л, ажил овоордогоороо овоороод л.. Ээж дээр нэг утсаар ярьж байхад чи нөгөө шүлэгээ бичиж байгаа юу гэсэн ккк. Гүй ээ нээрээ хүний нуусан юмыг бүх нийтээрээ олоод мэдчихсэн байгаа юм даа кк.
Би нээрээ ажлын өдөр болхоор л их том асуудалтай тулгардаг боллоо. Тэр нь өдөр оройн хоолоо яах вэ гээд бодож өгнө. Өнөөдөр өдөр ч яахав яаж ийгээд болгочихсон, орой юу идэх вэ гээд аль түрүүнээс хойш бодлоо. Угийн хоол хийх дургүй хүнд чинь гэртээ хийх талаар юу ч орж ирдэггүй юм байна кк.. Байгаа жимснүүдээрээ болгохуу, ядаж тараг байхгүй гээд сууж байх жишээний.
Угаасаа орой хоол идэх дэмий юм чинь тараг авч орж оройн хоолоо болгоноо хөө..