2016-10-21

Үйл нь ирээд үхэхийн цагт Хөгшин залуугын ялгаа юун

Есөн нартай энэ ер бусын нутагт
Дөрвөн улирал үгүй дүн өвлөөр байдаг
Тэнгэр нь нэг л үүлтэй
Тэр нь сүүдэр болдог
Тэвэр тэврээр унасан цасан мөсөн уулууд
Уулын хар манан нуурын дундаас ургаж
Урагшаа ургасан модод ширхэг мөчир үгүй
Жим жимээр урсах жирийн бус голууд
Жигүүр дэлгэн суусан уулын цагаан бүргэд
Өвс үгүй хэрнээ өндөр цэцэгс ихтэй
Өргөн тал нутаг нь хэмжээ хязгаар үгүй
Үүлгүй тэнгэрээс бороо ширхэг ширхэгээр дуслаж
Өндөр нам чулууд өнгө өнгөөр ургана
Нар нь жаргадаггүй ус нь ширгэдэггүй
Нарийн хавцал дунд нь найман саран нуугдана
Насан дээр гарсан намхан буурал савдаг
Наран жаргахыг үзэлгүй найман зууныг үзэв
Үүл нь гараад бороо орохын
Үүдэн хойморын ялгаа юун
Үйл нь ирээд үхэхийн цагт
Хөгшин залуугын ялгаа юун
Өргөө салхин гэр нь оосор бүч үгүй
Өвгөн савдаг тэндээ уйдаж суух нь үгүй
Өвлөж түүнд ирсэн өөвөн гурван өндөгөө
Өглөө үдэш асрана өөрийн чадлаар хайрлана
Алтан шаргал өндөг нь жаргал гэдэг нэртэй
Алсын өндөр ууланд амин сүнс нь байдаг
Асарч тойлхын хирээр инээд баясал ихтэй
Амар жимэр суухын арвин их нууцтай
Мөнгөн цагаан өндөг нь зовлон гэдэг нэртэй
Мөрөг цагаан загасанд мөнхийн амь нь байдаг
Намхан буурал савдагийн нуруу бөхийх тоолонд
Нулимс үгүй уйлна нуурын хаалга онгойно
Эцсийн чулуун өндөгийн нэр нь ч үл мэднэ
Инээж уйлах нь үгүй эгэл тайван байдлыг
Эцэж цуцахыг мэдэлгүй эвшээж суниах завгүй
Энэ маягаар савдаг ирэх хаврыг угтав
Үүл нь гараад бороо орохын
Үүдэн хойморын ялгаа юун
Үйл нь ирээд үхэхийн цагт
Хөгшин залуугын ялгаа юун
Хар морин жилийн хаврын тэргүүн сард нь
Хачин сонин бодол савдагийн толгойд оров
Хүрэл чулуун өндөг нь хөндий хоосон ч юм шиг
Хөөрхий өвдөг савдагт хэрэг үгүй юм шиг
Ингэж бодоод савдаг өндөгийг аваад гарав
Элгэн хадан дээрээс өргөж байгаад шидэв
Ингээд боллоо гэх шиг савдаг инээд алдав
Энд тэндээс гэнэт исгэрэх чимээ гарав
Гайтай явдал болов газар ангайж эхлэв
Галаар бороо оров ган гачиг болов
Гэрэлт есөн нар нь гэнэт бөхөж эхлэв
Гэдсээ чирсэн шулмас гэрийн хаалгыг тогшив
Өмхий улаан утаа уулын цаанаас ирэв
Өгөрч муудсан үснүүд хөндий талаар дүүрэв
Өсөж төрсөн нутаг нь өмхөрч хэмхэрч эхлэв
Өвгөн савдаг гайхав өвдөг сөгдөж унав
Үүл нь гараад бороо орохын
Үүдэн хойморын ялгаа юун
Үйл нь ирээд үхэхийн цагт
Хөгшин залуугын ялгаа юун


Ингээд фб дээрээ хадгалчихаж хаанаас хуулсан юм бүү мэд

4 comments:

  1. gehdee l bas het zaluugaaraa uheh ontsgui ee, yaj iigeed l jaahan nas ahij bj uhsen ni deer shde, hehe.

    bas het urt naslaad novshrood bh bas neg hetsuu te kkkk

    ReplyDelete
    Replies
    1. хаха нээрээ л хэт урт насалж новшрох дэмий санагддын, эд нар одоо бол 100 насална гээд үзээд байгаа надад бол дэмий л санагддын

      Delete
  2. Би анх ирээд удаагүй байхдаа их сургууль хамт төгссөн хүүхдээ ажлаа хийж яваад бурхан болсныг мэдээд маш аймаар санагдаж байсан. Тийм залуу хүн үхэж болдиймуу л гэж бодогдоод их хэцүү байсан. Бид яг чацуу байсан.

    Тэрнээс хойш их сургуулийн хэлний курсын нэг ангийн 19хөн настай украйн залууг хорт хавдраар өөд болоход бас үнэхээр аймшигтай санагдсан. Огт өвчтэй гэхээргүй, инээж явдаг залуу байж билээ. Би юу ч мэдээгүй, гэтэл 2 3 жил эмчлүүлж байгаа, тэгсэн хирнээ л тэмцээд их сургуульд сурах гэж байсан хүн байсан.

    Гунигтай санагдчихлаа..

    Гэтэл ээжийнхээ эмээг бурхан болоход яг үнэндээ хөөрхий миний буурай ээж буянтай хүн байсандаа л гэж бодогдсон.

    ReplyDelete
    Replies
    1. Би бас ангийнхаа хүүхдийн өөд болсон талаар сонсоход үнэхээр итгээгүй, одоо ч итгэхгүй байгаа. Нэг өдөр л нэтэд ирээд л элдэв юм яриад л орж ирэх юм шиг санагддаг юм.
      Үхэл гэдэг тийм ойрхон байдаг гэж ёстой бодож байгаагүй юм

      Delete