Яг чам шиг амьдарч үзэхсэн

Яг чам шиг амьдарч үзэхсэн..
Зөвхөн өөрийнхөө төлөө, өөрийнхөө хүссэнээр байдаг чамд үнэхээр атаархах юм. Чиний ирээдүй, аз жаргал, амьдралд миний хэлтэрхий байдаг болов уу? Үгүй ядаж хэсэг хугацаанд ч гсн байсан болов уу? Чамгүйгээр өнгөрөөсөн хэдхэн хоног намайг сүнсгүй бие болгочихож..
Чи миний хувьд агаар, ус, ирээдүй, мөрөөдөл бүх юм минь болчихоод яагаад ганцааранг минь ийм удаан байлгаад байгаа юм бэ? Өдрийн цаг, минут, секунд тутамд чамайг л бодоод, чамтай байсан өдрүүдээ бодоод, чамайг гэнэт л урд минь ургаад гараад ирээсэй гээд л мөрөөднө.

Ингээд бодохоор чи миний хамгийн ойрын хэрнээ хамгийн холын хүн байж. Би чамайг, чиний тухай юу ч мэддэггүй байж..

Өдөр бүр шахуу салж нийлээд байдаг хүмүүст атаархаж байна, бүр үхтэлээ атаархаж байна. Байнга утасдаад, уулзаад хэрэлдээд маргалдаад байх юм гээд гайхдаг байсан хүмүүстээ одоо үхтэлээ атаархаж байна..

Сэтгэл, зүрх, бодол, хоолны дуршлыг минь аваад хурдан ир!!



Чамгүйгээр би
Чимх инээд
Чихэнд урсах
Чимээгүй нулимс
Бурамгүй уруул..

Гомдоод л..

Би бол зүгээр л түүнийг харахын тулд хамаг юмаа хаяад гүйгээд очиж чадахаар байхад тэр тийм биш. Зүгээр л гэрээсээ гармааргүй санагдаад л надтай уулздаггүй, зүгээр л ганцаараа баймаар санагдаад л холбоо барьдаггүй.. Би түүний хувьд хэн ч биш юм шиг, би хэзээ ч түүний хувьд номер нэг биш.. Хувийн амьдралынх нь хажуу бөөрөнд наалдсан жижигхээн хумхын тоос шиг, зүгээр л хэзээ нэгэн цагт тэндээс арчигдах тийм л зүйл шиг.. Миний инээмсэглэл, баяр баясгаланг бүгдийг нь аваад явчихсан юм шиг л, гомдмоор юм. Түүний төлөө санаа зовж, шаналж байгаа минь зөвхөн миний л асуудал, түүнд ямар ч хамаагүй, намайг уйлна уу инээнэ үү түүнд ямар ч хамаагүй юм шиг. Бодохоор л хоолой зангираад, нулимс цийлэгнээд..
Би түүний хувьд хэн юм бэ?

Хөөрхөн..... биш...

Хүмүүс яаж ингээд хөөрхөн болоод төрчихдөг байна аа. Хөөрхөн хөөрхөн охидуудыг хараад дурлаад, хайрлаад, атаархаад байна шд :р

Гэтэл би яагаад тийм хөөрхөн биш юм :(

Би ч гэсэн тормогор алаг нүдээ тормолзуулаад явмаар л байна шд, тормогор байсан бол :р

Сар гаран хөдөлгөөнгүй суугаад, багш өдөр болгон хоол авч өгч бордоод, бассэйн йогтоо явахаа болиод сулраад тараад байна шд ий ий ий..

Уг нь өнөөдрөөс фитнэст явж эхлэх байсан чинь багш дахиад өнөөдөр ирж юмаа хий гэж дуудаад сэтгэлээр унаад сууж байгаа хүн л байна. Маргаашнаас л очихоос.. Бүтэн жилээр бүртгүүлчихсэн жилийн дараа булчин шөрмөс нь зангирсан хүн болж чадах нь уу, дундаас нь гараа өргөөд хэлээ унжуулаад буугаад өгөх нь үү бүү мэд.

Нуруу нугас, хөл гар хөшөөд хэрэг алга ..

..

Хүмүүс яагаад бусдын амьдралруу хэт өнгөлздөг байна аа. Бүгд л тэдэнд зориулж бүхнийг сайн сайхан юм шиг харагдуулахыг хичээдэг юм шиг. Үнэндээ хэнд хамаатай юм бэ, өөрөө л болж бүтэж аз жаргалтай байвал. Хэн нэгэн өнгийгөөд олон юм яриад явна л биз, ганц удаа амьдрах амьдралд бусдын нүдэнд сайхан харагдах гэж биш өөртөө л сайхан амьдарвал болоо юм биш үү.
Бусдад зориулж амьдраад эцэст нь юу хожих юм бэ. Би лав өөрийнхөө төлөө өөрөөрөө амьдармаар байна.

...

Би зүгээр л сэтгэлээ татаж авмаар байна, болдогсон бол.. Яагаад ч юм би хэн нэгэнтэй хамт байж чадахгүй юм шиг санагддаг. Гэтэл өдөр бүрийг, хором мөч бүрийг хамт өнгөрүүлэхийг хүссэн хүн гэнэт л гараад ирсэн. Уурлахаар чинь айдаг гээд намайг аргаддаггүй уур гархыг хүлээдэг тийм тэнэг, уулзаад гадуур явж байхдаа олон хүний дунд ч хамаагүй тэврээд хайрын дуу дуулдаг тийм сонин, надад л хайртай гээд чанга тэвэрдэг тийм л хүн. Харин яагаад ч юм би итгэж чадахгүй юм. Холбоо барихгүй ганц хоёр л хоновол хоолой боогдоод, бачуураад, нулимс урсаад байдаг хэрнээ ганц мсж-нд л хамаг зовиур дарамт үгүй болчихдог. Намайг хамгийн ихээр шаналгаж, хамгийн ихээр тайван амгалан байлгадаг тэр хүнээс сэтгэлээ татаж авмаар байна. Жижигхэн үйл, үйлдэл болгоных нь төлөө шаналмааргүй байна. Би зүгээр тайван амьдармаар байна, гэтэл шаналаад байх юм.. Бодохоор л гомдоод, хоолой зангираад, элдэв муу муухай юм төсөөлөн бодоод тэрэндээ шаналаад байх юм. Яаж тэгж бодохгүй амирлангуй болох юм бэ..
Би шаналмааргүй байна, тайван баймаар байна..

Яг одоо уулзмаар байна, хамт баймаар байна.. Гэхдээ л итгэж чадахгүй нь.. Надад итгэл гэдэг юм байдаггүй юм байхдаа..

Ганцаараа

Сэтгэл санаа нэг л сонин хов хоосон. Тэр хүнд уурлаж гомдох ёстой юу, итгэж хүлээх ёстой юу гэдгээ мэдэхээ байчихлаа. Яагаад ч юм би түүнд буруу юм хийчихсэн юм шиг, төвөг удсан юм шиг мэдрэмж төрөөд байх юм. Ийм л үед өөрийгөө үзэн ядахыг яана. Ийм тэнэг мэдрэмжинд баригдчихсан үед намайг гэх хүн байхгүй, сэтгэл санаа тайвшруулаад хамт гадуур алхах хүнгүй, үгүй ядахдаа л шал өөр юм яриад ч болтугай сууж байх хүнгүй өөрийгөө үзэн ядаж байна. Намайг ойлгодог, ярилцдаг байсан бүгдийг өөрөөсөө түлхчихсэн болхоор яахав дээ, ингээд ганцаараа сууж байхаас..
Хэзээ ч миний сэтгэлд ойрхон байдаг, сэтгэл санааг бүлээцүүлдэг хүн байгаагүй юм шиг дэндүү хүйтэн байна. Ганцаардаад байна.

Гэнэт бодлоо л доо би үхчихсэн юм болов уу гэж.. Тийм болхоор л хэн ч намайг харахгүй, бодохгүй, үгүйлэхгүй, санагалзахгүй байгаа юм болов уу.. Бие маань амьд ч сэтгэл санаа минь үхчихсэн юм болов уу. Хэзээ нэгэн цагт намайг боддог, санадаг, санагалздаг тийм дотны найз нөхөр гэж байсан болов уу? Би зүгээр л сүнс юм болов уу? Тийм бол одоо үхэж болохгүй нь дээ.. Хүн үхэхээрээ ийм байдаг байх даа. Мартагдчихсан хэрнээ хэнийг ч мартдаггүй байдаг байх даа..

Тэд надгүйгээр амьдарч болоод байхад би яагаад тэдэнгүйгээр амьдарч чадахгүй байгаа юм бол? Би яагаад ийм юм бол?

Хэн ч байхгүй, гав ганцаараа., Муухай хүн болхоороо л ийм байгаа байхдаа..

Гүйцээ..

Толгой гэж олгой болсон байлаа. Угийн олгой байсан ч байж бас магадгүй л дээ. Гэхдээ л би нилээн дээр үед лав өөрийгөө толгой сайтай биш юмаа гэхэд муутай лав биш гэж боддог байсансан.. Гэтэл одоо яасан байх нь уу. Мэдэх юм түй ч байхгүй болсон байх нь..

Саяхан нэг уламжлалт эмнэлэг орсон. Ядаргааны тан сар уух нь 900 мянга гэж байна. Муужраад унасан. Гүйцээ,, би ёстой ядрахгүй :р   .. Тэрний оронд хэдэн жил мөрөөдөж байгаа аппаратаа авсан нь дээр юм байна.. Миний санахын жил гарангийн өмнө хавар болхоос өмнө аппарат авна гэж байлаа, тэгж ярьж эхэлснээс хойш нөгөө авах аппарат маань өөр олон шинэ марк гараад, авах гэж байгаа маань хоёр ч удаа өөрчлөгдчихсөн байх нь.. Гүйцээ, өвөл болхоос өмнө авна даа чамайг :р

Өчигдөр агаарын теннис тоглож байгаа нь гээд баахан үсэрч цовхроод, огцом спортлог болсон биш хоёр өгзөг нил хөндүүр,, яахаараа ч өгзөг хөндүүр болчихдог юм бүү мэд..

Гуравдахиас эхлээд орой йога хийнэ.. Гүйцээ..

Элийрээд

Хажуу хавирганд хар мянга биш юмаа хоёр гурван хүн байгаа ч гэсэн ганцаардаад байх юм. Намайг гэх хүн байхгүй юм шиг нэг л сонин уйтай. Дуу муутай над шиг хүнд найз нөхөр ч гэж бараг байхгүй шахуу (би тэгээд юуен гээд хэрүүл хийгээд байв :р)..

Асар ихээр ганцаардав. Би ч насаараа ганцаардаж, ганц сайхан үгээр дутаж яваа хүн юм шиг байгаа юм. Ах эгч нараас жоохон зөрүүтэй настайг хэлэхүү, тэд нарын яриаг сонсохоос, тэд намайг сонсох биш. Найз нөхөд л гээд би дагаад гүйгээд байсан болхоос намайг найзаа гэж боддог нь бас л цөөхөн байсан юм шиг санагддаг.

Найз нөхөд гэж юу юм бол? Миний мэддэггүй үг. Тэглээ гээд найз байхгүй гэсэн үг биш л дээ. Үнэн сэтгэлээ уудлаад ярихад намайг чин сэтгэлээсээ ойлгоод зөвлөдөг нь тун цөөн.. Ажил амьдрал гээд надаас улам л холдох тэр сэтгэлүүд.. Өмнө нь яаж харилцаж байснаа ч мартчихаж. Гомдмоор шүү, өөртөө.. Тиймдээ л намайг хамгийн их ойлгодог, үг хэлээгүй байхад л нүүрэн дээр чинь бичээтэй байна гэдэг тэр хүнтэй хамт байх дуртай. Уулзах бүртээ шахуу ямар нэг газарлуу явж үзэх, хийж үзэх зүйлсийг төлөвлөчихдөг болхоор бусдаас илүү сонирхолтой санагддаг. Хоёулаа анх удаа үзэж харсан зүйлс дэндүү олон, үзэл бодол ч нийлдэг. Санаанд оромгүй тэнэг бодлууд маань хүртэл нийцдэг болхоор илүү амар. Нөгөө таг дуугай хүн чинь нөгөөхтэйгөө хамт байвал тасралтгүй шахуу ярина шүү дээ..


Би ч хэтэрхий юм юманд санаа зовомтгой хүн юм шиг байгаа юм. Төрийн төлөө огтоно боож үхнэ гэгчээр энэ төрийн төлөө би удахгүй боож үхэх байхаа яана..

Гадаа бүрхээд л, бүүдийгээд л.. Ойрын хэдэн өдөр нар гарах нь уу яах нь .. Бүрхэг өдөр ганцаараа байх муухай.... Удахгүй амралтын өдөр, агаарын теннис тоглох гээд цохиур авсан, алж өгнөө ккк

Амралтын өдөр нэг иймэрхүү

Зиа.. Ойрд шукаддагаараа шукадаад амьдраад л байна даа. 

Амралтын өдөр МЗ-тэй бэйсбол үзээд, бэйсбол гэгчийг чинь ойлгоод лаг кайфтай байлаа шд. Айвуу тайвуухан тоглодог болхоор эвгүй сандал дээр шомбойтол удаан суух чинь харин хэцүү эд байна лээ. Манай дэмжсэн баг хожоод.. аая кк..

Орход ямар баг дэмжихийг асуугаад 2 талд тус тусад нь оруулаад, бид хоёрын суусан суудал 2 талын хөгжөөн дэмжигчид холилдсон суудал байсан. Аа зарим нь ч тэгээд 2ланг нь л балэйшиглаад байсан даг ккк.. Хүмүүс бол пиво ууж, чикэн идэх гэж л ирсэн шинжтэй байна лээ. Яаж дутахав, угаасаа оройн хоол идээгүй явсан болхоор чикэн авч идсэн болсон. 

Тойроод зогссон цагаан хувцастай нь Дүсаны Баавгайнууд эдр кк.. Манай талынхан, хар хувцастай нь шүүгч нар, улбар шар хувцастай нь дайсны тал :р

15 : 1 ийн харьцаатай Дүсан хожсон доо..

Дайсны талын хөгжөөн дэмжигчиж улбар шар юм балбаад байсан.. Цохих хүнийхээ нэрийг оруулаад дуулж өгнөө.. Баруун гар талд манай багийн хөгжөөн дэмжигчид байгаа.

Хавар болоод сакура дэлгэрээд, уул шугамандаа инторын мод гэдэг юм байна лээ шдээ.. 

Бүтэн сайн өдөр Лоттэ ворлд-ын хажуудах нуурыг тойрч жоол алхав. Сакуратай  зам байдаг юм байна лээ. Цэцэг бараг унаад дууссан шахуу, хүмүүс нь цэцэгнээс олон байх жишээний ккк.. 

Амралтын өдрийн болзоо дуусаа.. конец фильма :р

Шука

Шука зан нь хөдөлчихсөн.
Ийм ч юм авмаар, тийм ч юм авмаар санагдаад сууж байгаа..

Гоё хувцасладаг хүнд аймар атаархнаа.. Би өөрөө жинс углаад подволк өмсөөд гадуур нь задгай цамц өмсөөд кэт углаад кутка өмсөөд л сургуульруугаа сэгсийлгэчихдэг хүн аргагүй ч юмуу даа. Домогт цэнхэр плать өнгөрсөн намар аваад хадгалж хадгалж хэд хоногийн өмнө арай гэж өмсөв. Даанч гутал хөл холгоод конец фильма болсон доо хөөрхий. Өдөржин сургууль дээр өрөөнөөсөө гардаггүй хүн хэндээ ч харагдах гэж эмэгтэйлэг хувцаслахав дээ. Өмсөөд ирвэл энэ 2ын маань нүд нь орой дээрээ гарах биз, буцаж буулгаж ирэх гэж хар гай гсн кк..

Аз болход манай МЗ наддаа таарсан хувцас хунарын талаар мэдлэггүй юм даа кк.. Надад л загнуулаад байдаг гэж бодохоор бас л сайхан өрөөсөн дугуй байгаа юм шүү.

Гүй ээ нээрээ, өөртөө юм хараад шүлсээ гоожуулдаг байсан чинь одоо өнөөхдөө хардаг болсон байна лээ.. Ээ юуных вэ гсн ккк


Гэртээ ганцаараа хийх юмгүй үедээ уг нь өөрийнхөө зургийг их авдаг байлаа. Гэтэл яасан байх нь уу, нүдний дор хөхөрсөн нь улам тод, том болоод зураг авах сонирхол буурсан байх нь.. Гүй ээ нээрээ арай ч дээ. Эдний нэг дуучин нь нүдэн доороо хөхөрсөн байна гээд нэтэд гарчихсан байсан. Хөөрхөн хүмүүсийн нүдний доор хөхөрсөн ч гсн хөөрхөн л байх юм даа гээд нэг их шүүрс алдав :р

Тэр ч яахав, өвөл болхоос өмнө баяжчихвал нэг аппарат авчих юмсан.. Хэдэн ч жил мөрөөдөв :р

Зомби

Нэг газар цас шиг юм ганц нэг хаялаад тэр нь биед хүрэхээрээ арьс түлээд байх юм. Тэр дор нь савандаж угаавал зүгээр болдог гээд орж угааваа. Тэгсэн чинь тэр нь зомби-гоос үүдэлтэй хортой цас юм байна. Хэн зомби болчихов гээд нэг байшин дотор орсон чинь нэг охин зомби болчихсон, жижигхэн хашлага шиг юманд хашигдаад гарч чадахгүй гацчихсан байж байна. Нөгөө зомбигоо тойроод хэдүүлээд сууж байв аа.. Тэгтэл нэг таньдаг л бололтой америк залуу гаднаас орж ирээд нөгөө зомби дээр чинь очоод "чи миний гэдэснээс хазчих, би солонгост зомби болох гээд тархи өөрчлөгдөхөд төмөр торны завсар толгойгоо хавчуулчихвал толгой нь зад үсэрдэг эсэхийг үзэх гэсэн юм" гээд хажууд нь гэдсээ гаргаад хэвтчихдэг байна шүү. Нөгөөх ч хүйснийх нь тэр хавьд хазсан., цус үсрээд миний хажууд хэвтэж байсан охины хөл гар нил цус болоод л, тэгтэл зомби залууг хазчихаад амаа ангайгаад дээшлэх үед нөгөө залуу амруу нь нэг жижигхэн чихэр шиг юм хийчихэв. Зомбиг эдгээдэг ерөндөг гэнэ. Нөгөөх чинь янз бүр болж байснаа буцаж хүн болоод, бид нар инээлдээд дуусав.. Зомби нь хүн болсон учраас америк залуу зомби болдоггүй юм гэсэн :р ...

гэх зэргийн зүүд зүүдлэх жишээний ккк

Эрэн сурвалжилж байна!!

Хаврын улирлыг эрэн сурвалжилж байна!! 

Энэ хавар хаачив? Хөөрхий нөгөө сакуранууд нь ургах юмсан гээд гөлөглөчихсөн,, зарим нэг нь цэцгийг алгасаад шууд навч нь гарч ирж эхэлж ч байх шиг.. Хоёр хоног овоо нэг хавар шиг 20н градустай болсноо буцаад л 10 болчихсон хөөрхий. Хүйтэн салхитай муухай байна. Шөнө унтах гэхээр хөл мөс болчихсон хүн чинь яаж унтаж чадах вэ дээ.. 

Тэр яахав, нээрээ нойл (жорлон) зүүдэлбэл яадаг бол? хэхэ.. Дандаа л нойл зүүдэлнээ ядаж байхад. Заримдаа модон жорлонгийн нүхийг нь хөндлөн модоор таглачихаад дээр нь хүмүүс ор засаад унтах гээд байна гэж зүүдэлнэ. Үнэр танар гардаггүй юм байхдаа гэж бодсон шигээ унтаж байх жишээний :р

Ай амьдрал минь ээ..

Блог гэдэг зүйлээс алслан холдож дээ хөөрхий. Өмнө нь өдөрт нэг бичлэг оруулахгүй л бол санаа амардаггүй байж билээ.

Амьдрал ч өнгө өнгөөр алаглаад л байж байх шив. Цэлмэхдээ цэлмээд, бүрхэхдээ бүрхээд.. Гэхдээ ихэвчлэн цэлмэг байгаа л даа :)
Ер нь цэлмүүлж бүрхүүлэх нь надаас хамгийн ихээр шалтгаалаад байгаа юм. Болох болохгүй юманд шаналж, санаа зовох "хобби"той шахуу юм болхоороо өөрийгөө ихэнхдээ зовоочихоод байх юм..

Цаг үргэлж хамт баймаар санагддаг "матрын зулзага"тай болсон :р  .. Даанч хүссэнээр болох биш, ажил амьдрал гээд цаг үргэлж хамт байх боломжгүй ямар байх биш.. Зүгээр л хажууд нь сууж байхдаа л тайван амгалан болчихдог, өөрөөрөө байж чаддаг..

Амьдрал ийм л байна ккк ..

Зүүдлээд л..

Нэг газар хүн амины хэрэг болоод яагаад ч юм бүү мэд манай гэрийнхэн л тэнд дүн шинжилгээ хийгээд цагдаа нартай цуг бөөн юм болж байнаа. Тэгсэн гэнэт тв9-ийнхөн ирж байна тв-гээр гарах дургүйнүүд нь өөр тийшээ яв гээл, би ганцаараа гараад өөр нэг өрөөнд ороод хамаатны эгчтэй юм яриад хэвтэж байнаа.. Тэгээд бага эгчийг дуудахуу гээд ярьж байсан чинь нэг машин өрөөнд ороод ирэв (яаж ч багтаж орж ирсэн юм бүү мэд :р) тэгээд тэрийг эгчийн машин байна гэсэн чинь арай бишээ.. Би лаг хөнжилд орчихсон талх идчихсэн хэвтэж байсан байхгүй юу. Тэгсэн харанхуй хаалганы тэндээс мангар том биетэй цагдаа хувцастай эмэгтэй буу бариад ороод ирдэг байна шд. Би ч толгой дээгүүрээ хөнжлөө нөмрөөд хэвтчихсэн. Нөгөөх чинь надруу чиглүүлээд шууд буудаад.. Аз болж надад хүрсэнгүй (шал панаалны санагдаад за яахав нэг газар шүргэсэн болог, тэгэхгүй бол дахиад буудна гэж бодоод шүргэсэн болгосон :р). Үхсэн юм шиг царайлаад хөдөлгөөнгүй хэвтэж байсан чинь нөгөөх чинь дөхөж ирээд, хамаатны эгчээс үхсэнүү ч гэлүү нэг юм асууснаа бууныхаа амаар толгойруу түлхэж үзээд (тэр үед муухай онцгүй мэдрэмж төрсөөн) гараад явчихав. Би ч энэ алуурчин байсан байна, цагдаа нарт хэлбэл итгэхгүй учраас өөрсдөө барих хэрэгтэй юм байна гээд боёвик киноны эхлэл шиг юм болов. 
....
Тэгээд гэв гэнэт нөгөөхийнхөө учрыг олсон бололтой кинонууд дуусаад хосууд аз жаргалтай байдаг хэсэг гарна. Нэг хүүхэн залуу хоёр л надад тусалж өнөөхийг барьсан бололтой юм. Тэр хоёр хөтлөлцөөд нааш цаашаа гүйгээд байсан чинь би шаврын хаалт царайлаад залуугийн нөгөө талаас хөтлөөд нааш цааш баахан гүйв. Тэгж байгаад гулгаж унаад, инээлдээд КОНЕЦ ФИЛЬМА..