11н сарын тойм (асуудал)

Жилийнхээ ойн дээр бичих ч байж уу. Дасгал хийгээд ч тарж яваад байсан учир хийхээ болиод, хэдэн сар болсон чинь нэг л гэм хийчихсэн юм шиг санагдаад буцаад цөөхөн ганц хоёрхон дасгал хийж байгаа. Дасгал ч гэж дээ, 5 минутын планк 3 минутын скуат гэх мэтхэн. Зай завсаргүй өлөнтөөд идмээр санагдаад л байгаад идээд байсан чинь хүнээ байх шинжтэй болохоор нь болиод 16:8 даж байгаа. 16н цаг юм идэхгүй, 8н цагтаа багтааж хоолоо иддэг. Сайндаа ч биш хоол шингэхгүй, 16 байтугай 20н цаг болоод ч өлсөхгүй бодисын солилцоо муудсан бололтой. Арга чарга хайсан чинь хоолоо сайн тохируулаад, хөдөлгөөн хийгээд, стрессдэхгүй бай гэнээ. Гайхсандаа тараг бүрж уух санаатай бүрж үзээд бүтэлгүйтээд болив. Надад энэ улс хоол хош хийх ямар ч авъяас үлдээгээгүй бололтой, эгчид гомдол мэдүүлсэн инээгээд л байна лээ. Жингээ үзээд тэрийгээ харж санаагаар унаад байхаар нь жингээ далд хийчихсэн, яршиг буцааж зардаг ч юм билүү гээд сууж байгаа. Хааяа овоо гайгүй санагдахаар нь үзэхээр л нэмэргүй шүү уур хүрмээр. Нүдний зовхи дээр дооргүй, хажуу нь хүртэл татаад хааяа хамар дээгүүр хөндлөнтөж татаад болдоггүй. Дээр хийж байсан зуурмаг хийж идээд нэмэр алга, хааяа хацар, гарын булчингийн ар тал, хавирга хүртэл таталдана. Муруйхвий гээд санаа зовоод үзэм буцалгаж уух санаатай авсан чинь хушгатайгаа хамт идсээр байгаад уусан ч юмгүй дуусчихсан хаха. Тэгээд өчигдөр нэмж авсан, бага идэж их уунаа. Утсаа багасгах юмсан гээд чадахгүй байна, дон тусаад мэдрэл муудаж байгаа байхаа. Сайхан амрах юмсан л гэж бодоод байна, хагас бүтэнсайнд амарч байгаа ч гэсэн сэтгэл санаа нь амрахгүй болохоор нойр солигдоод л дуусчих юм. Өдөр нь унтвал шөнө нь унтахгүй нойр нь шууд солигдчихдог болхоор балай юмаа. Энэ хүмүүс шиг байнга унтаад байдаг болчих юмсан. Дандаа өвдөж зовсон юм бичиж тэмдэглэдэг газар болжээ.

Дасгалаа хийгээдд

Долоо хоногт 3-4н удаа дасгал хийдэг болоод хагас жил шахуу болж байгаа юм байна шд нээрээ. Олон хүнтэй газар жим эдрт хийж чаддаггүй болохоор гэртээ хийж байгаа. Тэгэхээр ер нь туслах багажгүй дан биеэрээ хийж болохоор дасгалуудыг инста-гийн жим мим ямар юм гэсэн айди дагаж байгаад, тэндээсээ өөрийнхөө хийж чадахаар харагдсанаа сонгоод эхлээд 3н төрлийн дасгал хийж байгаад ганц нэгээр нэмж хийгээд байсан чинь одоо цаг шахуу хийдэг болсон байнаа. Анх стрессдээд ямар нэг юм хийх хэрэгтэй гэж бодоод эхэлж байсан чинь стресснээсээ ч гарсан юм байхгүй өдийг хүрчээ ккк. За тэгээд ерөнхийдөө ийм юмнууд хийж байна даа.

1. Mountain climber гэрт болохоор оймстой гулгуулаад хийчихнэ. 15x3

2. Дээрхтэй төстэй гэхдээ 2 хөлөө зэрэг татаад зэрэг түлхээд хийнэ 15х3

3. Squat 15x3

4. Lunge ард талын хөлөө орон дээр тавьж байгаад хийж байгаа 15х3

5. Hip thrust гэхдээ дан биеэрээ, ойрд гараараа ардаа тулж хийж байгаа 15х3

6. Гар дээр суниана, тэнхээ хүрэхгүй байхдаа өвдөглөдөг байсан 10х3

7. Donkey kick 15x3

8. Plank twist 20x3 байснаа нэмээд 50х3 болгоод удаагүй байгаа

9. Bicycle crunches 15x3

10. Reverse crunches 15x3 

11. Spider man plank, Plank shoulder taps хоёрыг нийлүүлээд 15х3

 

12. Reverse plank 20sec x3

Хөөх 10 гаран гэж ёстой бодоогүй юм байна. За тэгээд хамаа замбараагүй идээд байгаа болохоор ингэж хийгээд булчинтай бондгор л болж байх шиг байна хаха. Булчин нь даанч нууц газар байгаа болохоор надаас өөр хэн ч мэдэхгүй эдр хаха.

Бичлэг үзэж байгаад дагаж хийгээд байсан болохоор яг нэрнүүдийг нь мэддэггүй юм байна, сая баахан л ойролцоо нэрээр нь хайж хэдэн зураг оллоо шд. 

Олны жишгийг дагаад гарчиггүй гэе

Сэгсийтэл дурлаад явж байгаад саяхан нөгөө дурлуулагч этгээдийнхээ инста-г олж орсон чинь намайг олж дурлахаас өмнө цэрэгт явчихсан байна шд хаха. Шууд амьдрал утгагүй болоод яаж жил гаран хүлээнээ гээд хэсэг хямрав эдр.

Нээрээ бас хавар нэг Traveler гээд нэвтрүүлэг шинээр гарсныг үзэж байгаад саяхан дууссан юм. Хоёр жүжигчин Кубаар үүргэвчтэй аялал хийгээд, нэг нь миний таалдаггүй стийлийн залуу байсан чинь тэр нэвтрүүлгийг үзсэн чинь дажгүй хөөрхөн энгийн хүү байсан байна хаха. Бас саяхан инста-г нь олоод дагасан чинь нэг зураг оруулаад хэдхэн минутын дотор хэдэн арван мянган лайктай болоод байхаар нь шал дургүй хүрчихсэн дагахаа болихоос хаха, арай дэндүү хартай юу гүй юу. Гэхдээ энэ хүүд арай ч дурлаагүй ээ зүгээр л таалахгүй байхаа больсон гэхүү дээ, за тэр ч хэнд хамаа байхав.

Энд зун болоод, юу юугүй 30н градус хүрээд муужрахын даваан дээр буцаж 20 хүрээд арай амь орж байсан чинь дахиад 30 боллоо яана.

Дурлал чи чив чимээгүй ирэх ёооооммм

Энэ хүмүүсээр ямар их сонин сайхантай байх юм бээ. Би бас яаж дутахав сонинтой сонинтой. Гэхдээ хүмүүс шиг өсч үржээгүй ээ, цаадах чинь дурлачихсан солиорч өгч байна хаха. Жилийн өмнө шахуу гарсан дууг саяхан олж сонсоод, юүтүбээр баахан бичлэг хөөж үзэж байгаад дуучинд нь дурлачихсан баларсан. Одоо тэгээл юүтүб үзээд санаа алдаад сууж байхаас өөр яахав дээ, тиймээ.

Сонин сайхан

Жэйн Аустинаа уншиж дуусгаад Charlotte Brontë-гийн Jane Eyre уншсан. Тэр үеийн номнуудыг уншихаар сэтгэл санаа нэг их сайхан болоод явчихдаг юм. Одоо дахиж ном эхлүүлвэл дахиад номоо бодоод ухаанаа алдчих байх гээд эхлүүлээгүй овоо томоотой байж байснаа гэнэт нөгөө номнуудаа англиар нь юүтүбээс аудио номыг нь олж сонсоод бас баларлаа шдээ хаха. Зарим нь 7н цаг, зарим нь 14н цаг гээд зөндөө байдаг юм байна лээ. Над шиг үсэглэж унших биш тэд нарын унших хурдыг миний чих гүйцэж сонсохгүй сабтайтлыг нь гаргаж ирж дагаж уншсан шд. Дээр үеийн хэллэгээрээ болохоор тэгдэг юмуу мэдэхгүй үгээ тоолсноос мэддэг үгээ тоолохоор л юм байна лээ. Ингэсхийгээд сонсоод явж байгаад англи хэлэндээ мундаг болчихдог бол сайхан л байна. За за өөр ч сонин юмгүй дээ кккк. Өө нээрээ энд цэцэг навч дэлгэрээд сайхан л байна. 

Жэйн Аустин

Заа, сайхан шинэлцгээж байна уу?

Би ч яахав Жэйн Аустиндаад л сууж байна. Номнууд нь монголоор байдаг болов уу?
"Pride and Prejudice", "Sense and sensibility" хоёрыг уншсан гэж байсан даа. Сүүлд нь нэмээд "Persuasion", "Northanger Abbey", "Emma"-г зээлж уншсан. Тэр үеийн амар амгалан хөдөөгийн амьдралд очоод буцаад ирмээргүй л байлаа. Ямар сайндаа өглөө 5 өнгөртөл уншиж сууж байхав дээ. Зарим номных нь эхлэл хэсэг, гол дүрийн талаар нуршсан хэсэг дээр жоохон залхуу хүрснийг эс тооцвол таалагдсан. Ер нь их яриасаг, мэтгэлцээн зэрэгт дуртай хүмүүс байж л гэж бодлоо шд. Одоо ямрыг нь дараа хэзээ нэгэн цагт очихоороо л мэдэх байхдаа. Одоо "Mansfield park" л үлдэх шив дээ. Жэйн Аустины бүх ном кино болчихсон юм байхдаа, гэхдээ кино номоо гүйцэхгүй юм дөө яаж ч бодсон. Номыг нь уншчихаад киног нь үзсэн нь дээр юм байна лээ. Тэгэхгүй бол киноных нь дүрээр төсөөлөгдөөд байсан. 27той нас явсан ганц бие эмэгтэй, 35тай хөгшин эр гэж гараад ганцаараа баахан инээд хүрсэн шд нээрээ хаха..

Эрүүл мэнд эрхэм баян номер гурав

Хоёр сарын дараа дахиж ирж үзүүлээрэй гэснээр өнөөдөр дахиж очиж үзүүлэв. Бамбай булчирхайн үрэвсэл чинь өөрөө аяндаа л эдгэрдэг эд юмуу даа. Өнгөрсөн долоо хоногт очиж дааврынхаа хэмжээг харахын тулд цусны шинжилгээ өгсөн. 11н сард үзүүлэхэд дааврын хэмжээ хэт буурсан байна, ихэвчлэн буцаад өөрөө хэвэндээ ордог ч цөөн тохиолдолд энэ чигээрээ тогтох тохиолдол байдаг учир 2 сарын дараа үзье, хэвэндээ ороогүй байвал хэвэнд нь орох эмчилгээ хийнэ гэсэн юм. Өнөөдөр эмчдээ үзүүлсэн чинь дааврын хэмжээ хэвэндээ очсон байна, нэг талд нь үрэвсэл жоохон үлдсэн байна (тэмтэрч үзээд) тэр нь гэхдээ яваандаа байхгүй болчихно. Дахиж шалгаж эхо-д харах шаардлагагүй, энэ удаагийнх шиг өвдөхгүй бол дахиж ирэх хэрэггүй, 5н жилийн дараа үзлэг шинжилгээ хийлгээрэй. Ер нь 5н жилийн давтамжтай үзүүлж байгаарай гэсэн. 

Ашгүй нэг эмнэлгээс саллаа гээд бөөн баяр болоод гуяа алгадаад сургууль дээрээ хүрээд ирсэн. 

Саяхан шөнө тв-ийн суваг сольж байгаад Sense and sensibility гарч байхаар нь үзсэн. Эхлээд удаагүй байсан болохоор утгыг нь бол ойлгочихсон. Өчигдөр номын сангаас номыг нь зээлсэн. Pride and prejudice-ийг бодвол уншигдаж өгдөггүй ном байна лээ. Гэхдээ яахав оройдоо нэг харж байхад дуусчих байлгүй дээ. 

Бака чика

Хүмүүс эхнээсээ 2018 оноо тайлагнаад байх шиг байна тэ. Миний хувьд фаакин 2018 он байсан болохоор хурдхан шиг дуусаасай гээд л сууж байна.

Өмнөх жилүүдийн энэ өдөр гээд гүүглэ фотонууд гарч ирэхийг харахаар хичнээн сайхан байгаа вэ гээд өнгөрсөн үеийн өөртөө атаархаж байх жишээний ккк..

Ирж байгаа 2019 ондоо л найдвар тавихаас даа

Эрүүл мэнд эрхэм баян номер хоёр

Номер хоёр тайлан тоглолт. Саяхан нөгөө бамбай булчирхайн гармоны илүүдэлд ороод тураад нусаа наагаагүй юу. Тэгэхэд эм уугаад, өвдөхгүй бол нэг хоёр өдөр өнжөөрэй гэсэн болохоор өнжин барин 2 долоо хоног уугаад үзүүлсэн. Хэвийн хэмжээнд ороод хүн төрхөндөө оржээ, сарын дараа дахиж үзэмз, гармоны хэмжээ буураад тэр чигтээ тогтох тохиолдол байдаг, буцаж хэвэндээ орох ч тохиолдол байгаа гээд сарын дараа үзүүлсэн. Буураад хөөрхий минь юучгүй болчихож, бараг долоо хоногийн өмнөөс л өглөөнөөс шөнө болтол идэх юм бодоод, талх тариа мөрөөдөөд бүр болохоо байгаад байсан юм таргалах гээд тэгээд байж. Бас нүд мантуу болтолоо хавдаж сэрээд, нүүрээр дүүрэн юм гарчихсан "би ингэж амьдарч үзээгүй" гээд л явж байна. Биеийн жин нэг хэвийн хэмжээнээсээ 2кг бага байна лээ, гэхдээ нэг их асуудал бишээ ер нь иймэрхүү байхдаа дээр харагддаг байхгүй юу кккк. 2 сарын дараа дахиж үзнэ, тэр үед хэвийн хэмжээнд орсон байх ёстой ихэнх хүмүүс тэгдэг, ороогүй бол эм өгнө гэнэ дээ. Одоо хурдхан гармон маань хэвэндээ ороод нүүрэн дээр юм гараад тосоор гоожоод байгааг, ховдогийн гай болоод идэх юм зай завсаргүй мөрөөдөж байгаа хоёр асуудлыг байхгүй болгочихвол л яг сайхан болох гээд байна л даа. Зүрхний цохилт их аятайхан 51-57гийн хооронд л байдаг болчихоод байгаа. Амьдрал ийм л байна даа.

Эрүүл мэнд эрхэм баян

Хэддүгээр ангид билээ дээ эмчийн үзлэг ирээд л намайг бамбайтай юм байна гэж байсан, тэгсгээд л өнгөрсөн. Одоо бодоод байсан чинь бамбай чинь булчирхай, хүн болгонд байдаг эд шүү дээ. Тэгэхээр бамбайтай гэдэг чинь ямар гэсэн үг юм бол доо.